Chapter 165
Imperial MeowAugust 31, 2023
Chapter 165
အတိတ်မှ ပတ်သက်ဆက်နွယ်မှုများ
ပေါ်လျန် သူ၏ ပန်းချီကားချပ်အားလုံးကို မီးရှို့ပစ်ခဲ့သည်။ မြေအောက်လောကမှ လူအားလုံးက သူ ရူးနှမ်းသွားခဲ့ပြီဟု တွေးနေကြသည်
" တကယ်လို့ မင်းရောငါရော နှစ်ယောက်လုံးမိစ္ဆာဖြစ်ခဲ့ရင်... တကယ်လို့ မင်းရောငါရောနှစ်ယောက်လုံးမိစ္ဆာမဖြစ်ခဲ့ဘူးဆိုရင်..."
သန့်ရှင်းသပ်ရပ်သည့် ပိုးဝတ်ရုံရှည်ကို ဝတ်ဆင်ထားသော ပေါ်လျန်က နိုင်ဟယ့်တံတားကိုဖြတ်ပြီး မုန့်ပေါ်ထံ သွားခဲ့သည်။
" အရှင် သေသေချာချာစဉ်းစားပြီးပါပြီလား... တကယ်လို့ အခုချိန်မှ ပြန်လည်မွေးဖွားမယ်ဆိုရင် အရှင်က သနား၏ရာကောင်းပြီး ရိုးရှင်းလွန်းတဲ့ ဘဝနဲ့ပဲ နေရတော့မှာပါ..."
ပေါ်လျန် ခေါင်းခါလိုက်သည်။ မုန့်ပေါ်၏လက်ထဲမှ စွပ်ပြုတ်ပန်းကန်ကိုယူပြီး တစ်ကျိုက်တည်းသောက်လိုက်သည်။ သွေးမျက်ရည်များက အရောင်အဆင်းနှင့် အရသာမဲ့သည့် စွပ်ပြုတ်ထဲ စီးဝင်သွားပြီး စွပ်ပြုတ်၏အရောင်နှင့် ပေါင်းစပ်သွားသည်။
" ပြန်လည်မွေးဖွားခြင်းလမ်းစဉ်ကို လျှောက်လှမ်းလိုက်ပြီဆိုရင် အရှင့်ရဲ့ အရင်ဘဝနဲ့ ဒီဘဝက မတူညီတဲ့ လမ်းနှစ်ခု ဖြစ်သွားပါပြီ..."
ပိုးဝတ်ရုံရှည်ဝတ်ထားသော အမျိုးသားက ပြန်လည်မွေးဖွားခြင်းရေကန်ထဲ မိန်းမောစွာဖြင့် ခုန်ချသွားသည်။ သူ၏ဝိညာဉ်က ရေကန်ထဲတွင် ပျောက်ကွယ်သွားသော်လည်း သူတစ်ချက်မှ နောက်ပြန်မလှည့်ခဲ့ပေ။
အတိတ်သိမြင်ကြေးမုံက ပုံရိပ်များကို ဆက်လက်ပြသတော့မည့်အချိန်တွင် ကြေးမုံ၏ကိုယ်ထည်က ကြောက်မခန်းလိလိ ဝိညာဉ်စွမ်းအားကို မခံနိုင်တော့သည့်သဖွယ် ပြင်းပြင်းထန်ထန်လှုပ်ခါလာသည်။ ခြံဝင်းထဲတွင် ယခု ပြသနေသည့်နေရာက နန်းတော်တစ်ခု၏ မှုန်တိမှုန်ဝါးပုံစံမျိုး ဖြစ်နေသည်။ သို့သော် ဤပုံရိပ် ပေါ်လာချိန်မှာပင် အတိတ်သိမြင်ကြေးမုံ၏ သက်ရောက်မှုက ပျောက်ဆုံးသွားပြီး ထိုမြင်ကွင်းက လုံးဝပျောက်ကွယ်သွားသည်။
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
