Chapter 146
Imperial MeowAugust 25, 2023
🐰Chapter 146🐉
အဖွဲ့သားတစ်ယောက်ကို ထုတ်ရောင်းခြင်း
"အဲ့တော့ မင်းက ဖူကျင့်ကြံသူရဲ့ အကြီးအကဲပေါ့..."
ယောင်အစည်းအရုံး၏ ဝန်ထမ်းက ချက်ချင်း တုံ့ပြန်လိုက်သည်။
"ဒီကိစ္စက နားလည်မှု လွဲတာဆိုတော့ ငါတို့ ယောင်အစည်းအရုံးက ထပ်ပြီး ဝင်မပါတော့ပါဘူး..."
ထိုဝန်ထမ်းမှာ ကျင့်ကြံခြင်း အနှစ်၃၀၀၀ခန့်ရှိထားသော်လည်း ဖုန်းလွေ့ကျုံး၏ ပုံစံအစစ်ကို မခန့်မှန်းနိုင်ပါပေ။ အမှန်တကယ်တွင် သူက အနည်းဆုံး ချီဓာတ်ကိုပင် အာရုံမခံနိုင်ပါပေ။ တစ်ဖက်မှာ သူက တောင်မှ ထွက်လာသော မဟာမိစ္ဆာကြီးတစ်ကောင်ဟု တိတ်တဆိတ် ခန်းမှန်းမိသော်လည်း သူ့အား အနည်းငယ်ပင် မတိုက်ခိုက်ဝံ့ပဲ ထရပ်ကာ အလေးအနက် အရိုအသေးပေးလိုက်သည်။
"အင်း..."
ဖုန်းလွေ့ကျုံးက ခေါင်းညိတ်ကာ ထို အရိုအသေပေးခြင်းကို တည်ငြိမ်သော အမူအရာတစ်ခုဖြင့် လက်ခံလိုက်သည်။
လူတိုင်းက နေရခက်စွာ အံ့အားသင့်နေကြသည်။ ဤယောင်အစည်းအရုံးဝန်ထမ်းများမှာ ကျင့်ကြံခြင်းလောကတွင် သူတော်ကောင်းတရားနှင့် သိက္ခာတရားတို့ ပိုင်ဆိုင်ထားသူများဟု ယူဆထားပြီး မည်သူ့ကိုမှ အလေးအနက် အရိုအသေပေးသည်ကို မမြင်ဖူးကြပါပေ။
ဒီအမျိုးသားရဲ့ ရင်းမြစ်က တကယ်တိတိကျကျ ဘာလဲ...
"အိုင်း..."
ချောင်းယွင်က ချူးယွီကို ညင်သာစွာ ဆိုလိုက်သည်။
"ဖူကောရဲ့ အကြီးအကဲလို့ပြောတဲ့ ယောင်ကျင့်ကြံသူရဲ့ ရင်းမြစ်က ဘာလဲ..."
ချူးယွီက လေးနက်သော အကြည့်ဖြင့် ခေါင်းခါလိုက်သည်။
"ငါလည်း မသိဘူး..."
"မင်းတောင် မသိဘူးလား..."
ချောင်းယွင်က အံ့အားသင့်သွားလေသည်။ ချူးယွီမှာ ဤအပိုင်းတွင် အထူးပင် ဆတ်ဆတ်ထိမခံပါပေ။
သူတကယ်ကြီး ထိုးဖောက် မမြင်ရတဲ့ မိစ္ဆာတစ်ကောင် ရှိတယ်လား...
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
