Chapter 158
Imperial MeowAugust 31, 2023
Chapter 158
ဂုဏ်ပြုပါတယ်
နှစ်နာရီမှာ အလွန်ကြာသော်လည်း အလွန်တိုတောင်းပေသည်။ နာရီလက်တံက ၈သို့ ရောက်ခါနီးတွင် ချူးယီက အများထိုင်ခုံမှ ထရပ်လိုက်ပြီး အပြုံးတစ်ခုနှင့် ဆိုလိုက်သည်။
" ကျွန်မက ဒီနှစ်အတွက် လူသားတွေကို နှစ်သစ်ကို ကြိုဆိုဖို့ အဖော်လုပ်ပေးနိုင်မှာ မဟုတ်ဘူး..."
ဖူလီက သူ၏ ချမ့်ခွန်းအိတ်ထဲမှ ဆေးတောင့်တစ်ခုကိုထုတ်ကာ ချူးယီကို ပေးလိုက်သည်။
"ငါ့မှာ ဝိညာဉ်သိပ်သည်းဆေးတောင့်ရှိတယ်... မင်းဒါစားပြီးရင် နည်းနည်းထပ်ပြီး အချိန်ဆွဲထားလို့ ရရင် ရမှာပေါ့..."
"မလိုတော့ပါဘူး..."
ချူးယီက ခေါင်းခါကာ ပြုံးလိုက်သည်။
"ဒီနိုင်ငံက အရမ်းကြီးပြီး ကျွန်မကြည့်ချင်တာတွေလည်း အများကြီးပဲ... ဒါပေမဲ့ ဒီနိုင်ငံထဲမှာ အစာရေစာ ငတ်တာနဲ့ ဖရိုဖရဲ ဖြစ်တာတွေ မရှိတော့ဘူးဆိုတာသိရတော့ ကျွန်မကောင်းကောင်း အနားယူနိုင်ပါပြီ... နောက်နှစ်ကို စောင့်နေမယ်... နောက်နှစ် ကျွန်မပေါ်လာရင် တခြားနေရာတွေကို လျှောက်လည်ဖို့ အဖော်လုပ်ပေးနိုင်တယ်မလား..."
ကျွမ်းချင်က တိတ်တဆိတ် ခေါင်းညိတ်ပြလိုက်သည်။
ဖူလီက ကျွမ်းချင် ဗီလာ၏လိပ်စာကို ရွတ်ပြလိုက်သည်။
"ငါတို့က ဒီမှာနေတာ... နောက်နှစ် မင်းနိုးလာရင် ငါတို့ကို လာရှာလိုက်..."
ချူးယီက ပြုံးကာ ခေါင်းညိတ်ပြလိုက်သည်။ သူမနိုးလာခဲ့ပါက...
"နဂါးသခင်နဲ့ ကျင့်ကြံသူလေးတို့က ဆက်ဆံရေး ကောင်းတာပဲ..."
ချူးယီက သူမ၏ လက်ဖဝါးကို ဖြန့်လိုက်သည်။ ရေခဲကဲ့သို့ အလင်းပေါက်နေသည့် ပစ္စည်းတစ်ခုက သူမလက်ထဲတွင် ရှိနေလေသည်။
"ဒါကနွေဦးကျောက်စိမ်းတဲ့... လူသားတွေရဲ့ မျှော်လင့်ချက်နဲ့ ပျော်ရွှင်မှုကနေ ပေါ်လာတဲ့ အရုပ်တစ်ခု... ဒါက သိပ်အသုံးမဝင်ပေမဲ့ တော်တော်လေးကြည့်ကောင်းတယ်..."
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
