Chapter 157
Imperial MeowAugust 31, 2023
Chapter 157
နျန်မှာ နဂါးမျိုးနွယ်နှင့် ဆက်ဆံခဲသော်လည်း သူကြားဖူးသည့် ဒဏ္ဍရာရီများထဲမှ နဂါးများမှာ ကြီးမားသော ခွန်အားကို ပိုင်ဆိုင်ထားပြီး မည်သည့် အခြေခံ လိုအပ်ချက်မှ မပိုင်ဆိုင်ထားပါပေ။ လွန်ခဲ့သည့် နှစ်ပေါင်းထောင်ကျော်က ယောင်ကျင့်ကြံသူတစ်ဦးက နဂါးဘုရင်အား ၇လမြောက်၏ ၇ရက်မြောက်တွင် မွေးဖွားသော လူတစ်ဦး၏ နှလုံးသားကို ပေးခဲ့သည်ဟု ဆိုကြပေသည်။ အပျော်လွန်နေသည့် နဂါးဘုရင်က ထို့နောက် သူ့အား မယုံနိုင်ဖွယ် နက်နဲသည့် ကျင့်ကြံခြင်း နည်းစနစ် တစ်ခုပေးခဲ့ပေသည်။
နဂါးမျိုးနွယ်က လူသားတွေကို အမြဲလိုလို အထင်သေးနေတာကို အစွမ်းထက်ချီဓာတ်နဲ့ ဒီနဂါးက ဘာလို့ လူသားတစ်ယောက်တဲ့ အတူရှိနေတာလဲ...
"ဒီငတုံးက ဘယ်တောကနေ လာတာလဲ..."
ဘေးကင်းနေပြီးဖြစ်သည့် ခရုစုပ်ငှက်မှာ သူ့၏ သွေးစွန်းနေသော အမွေးများကို ခါလိုက်သည်။
"ဒီခေတ်ကြီးမှာ လောကကြီးက စည်းလုံးသွားတာ ကြာပြီကို မင်းက လူသားတွေနဲ့ မိစ္ဆာတွေကို စားချင်နေတုန်းလား... ဘာလို့ ကိုယ်ဘာသာကိုယ် ပြန်မစားလိုက်လဲ..."
"ဘာမှမသိတဲ့ငှက်... ငါက နဂါးသခင်ကို ပြောနေတာ... မင်းဝင်ပြောစရာ နေရာရှိလို့လား..."
နျန်မှာ ဆိုးယုတ်သော သွင်ပြင်ရှိနေသော်လည်း တစ်စုံတစ်ယောက်ကို မျက်နှာလိုမျက်နှာရ လုပ်လိုသောအခါ အတန်ပင် ပါးနပ်လှပေသည်။
"လောင်ဇီက နိုင်ငံ့ရတနာကွ..."
ခရုစုပ်ငှက်က တောင်ပံတဖျပ်ဖျပ် ခတ်လိုက်သည်။ များစွာသော နီရဲရဲအမွေးများက နှင်းဖုံးနေသော မြေပြင်ပေါ်သို့ ပြုတ်ကျသွားသည်။
"ဒါ စားလိုက်..."
ဖူလီက ဆေးတောင့်တစ်တောင့်ကို ထုတ်ကာ ခရုစုပ်ငှက်ဆီသို့ ပစ်ပေးလိုက်သည်။ ခရုစုပ်ငှက်က ၄င်းကို လက်သည်းများဖြင့်ဖမ်းကာ ဖူလီ့ကို သင်္ကာမကင်း ကြည့်လိုက်သည်။
"ဒါက ဘာဆေးလဲ..."
"စိတ်မပူပါနဲ့... ငါက တောကလာပေမဲ့ အဲ့ဆေးကြောင့်တော့ မင်းမသေပါဘူး..."
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
