Chapter 71
Imperial MeowJuly 17, 2023
Chapter 71
မင်းက အစိုးရဝန်ထမ်းတစ်ယောက် ဖြစ်ချင်နေတုန်းလား
"အစွယ်နှစ်ခုနဲ့ တောဝက်က ဘုရင် ကန်းလေ့လေ... သူက လူတိုင်းကို ဟင်းချက်ပေးရတာကြိုက်တယ်... ပန်းတွေပွင့်ပြီး ရိတ်သိမ်းချိန်ရောက်လာရင် သူက ငါတို့ကို တစ်နပ်ချက်ကျွေးတတ်တယ်... သူ့ရဲ့ အကြိုက်ဆုံး နေ့စဉ်အလုပ်က ငါလျှောက်စားတာကို ကြည့်ဖို့ပဲ... မျောက်ဝံအိုကြီးက နားပူနားဆာအလုပ်ဆုံးပဲ... အမရစ်ငှက်ကတော့ စိတ်မရှည်ဆုံးပဲ... စာကလေးက ဘာပဲဖြစ်လာဖြစ်လာ လူသားပုံစံမပြောင်းနိုင်ဘူး... ဆိတ်ဖြူကြီးက ဘာမှလုပ်စရာမရှိရင် အိပ်နေတတ်တယ်... ကျားဖြူက အခမ်းနားဆုံးပဲ... တစ်ခါတုန်းက တခြားတောင်ရဲ့ ယောင်ကျင့်ကြံသူတွေက ငါတို့တောင်ကို လာကျူးကျော်တော့ သူက တိုက်ထုတ်လိုက်တာလေ... အဲ့မှာ ခုနစ်ရောင်ခြယ် သမင်လဲရှိတယ်..."
ဖူလီက ကျွမ်းချင်ကို တောင်၏ မိစ္ဆာများ၊ သစ်ပင်များနှင့် ဤမိစ္ဆာအုပ်စု၏ ချစ်မြတ်နိုးခြင်း ခံရပုံများကို ပြောပြနေသည်မှာ ထိုသို့ပြုလုပ်ခြင်းက သူ့ကို လွန်ခဲ့သည့် နှစ်၂၀၀၀သို့ ပြန်လည်ခေါ်ဆောင်သွားကာ ထိုယောင်ကျင့်ကြံသူများနှင့် ထပ်မံတွေ့ဆုံခွင့် ပြုတော့မည့်အတိုင်းပါပင်။
"အဲ့လူကရော..."
ကျွမ်းချင်က ဖူလီက တောင်ပေါ်ရှိ ယောင်ကျင့်ကြံသူများကို မိတ်ဆက်ပြီးသည်အထိ စောင့်လိုက်ပြီး လှုပ်ရှားမှုမရှိ ရပ်နေသော လူကိုညွှန်ပြလိုက်သည်။
"သူကလည်း တောင်ပေါ်က ယောင်ကျင့်ကြံသူတစ်ယောက်ပဲလား..."
ဖူလီက ခေါင်းခါလိုက်သည်။
"သူက ငါမွေးထားတဲ့ လူသား အိမ်မွေးတိရစ္ဆာန်လေးပဲ... သူက... ဒီပုံစံလေးပဲ..."
သူက သတ္တိရှိကာ ထူးချွန်သောသွင်ပြင်ရှိပြီး ကျက်သရေရှိလှသော ဟန်ပန်ရှိပေသည်။ သူက တခြားသူများထံမှ ထင်းထွက်နေသော လူသားတစ်ဦးဖြစ်လေသည်။ သို့သော် အချိန်များစွာ ကုန်သွားပြီဖြစ်ရာ ထိုသူက ဤပုံရှိသည်ကို မေ့လုနီးနီး ဖြစ်နေလေပြီ။
DU LIEST GERADE
မျိုးကွဲများနှင့်ယှဥ်တွဲနေထိုင်ခြင်း
Aktuelle Literatur💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
