Chapter 175
Imperial MeowAugust 31, 2023
Chapter 175
ပုလိပ်ရောဂါ
အတွင်းဆောင်ထဲတွင် စားပွဲခုံကြီးငါးခုံကို ခင်းကျင်းထားသည်။ အဓိကစားပွဲပေါ်ရှိ ဟင်းပွဲများက အလွန်များပြားလှသည်။ ထိုနဂါးမျိုးနွယ်များက ကျွမ်းချင်နှင့် ဖူလီ၏အကြိုက်ကို လျှို့ဝှက်စွာ စုံစမ်းထားသောကြောင့် စားပွဲပေါ်မှ စားစရာအများစုက သူတို့အကြိုက်များ ဖြစ်နေသည်။
" အရှင်မင်းကြီး ကျေးဇူးပြုပြီးထိုင်ပါ..."
နဂါးနက်က ကျွမ်းချင်ကို အဓိကခုံတွင် နေရာချပေးလိုက်သည်။ ကျွမ်းချင်ကို ထိုခုံကိုစိုက်ကြည့်ပြီး ရပ်နေသည်ကို မြင်သောအခါ မျိုးနွယ်ခေါင်းဆောင်များက တစ်ဖန်ပြန်လည် တောင့်တင်းသွားကြပြန်သည်။
" ကျွန်တော်ကလည်း ဂျူနီယာတစ်ယောက်ပါ အားလုံးရှိနေတဲ့အချိန် ဒီခုံမှာ မထိုင်နိုင်ပါဘူး..."
" ဒီနေရာက အရှင်မင်းကြီးတစ်ယောက်တည်းနဲ့ သင့်တော်တာပါ..."
" ဒီနေရာနဲ့ သင့်တော်တဲ့လူက အရှင်မင်းကြီးကလွဲပြီး တခြားလူ မရှိပါဘူး..."
အားလုံးက အလေးအနက်တိုက်တွန်းပြီး တစ်ချိန်တည်းတွင် ပြောလိုက်ကြ၍ ကျွမ်းချင်က နောက်ဆုံးတွင် ဖူလီ့ကိုခေါ်ပြီး ထိုနေရာတွင် ထိုင်လိုက်သည်။ နဂါးပြာနှင့် နဂါးနက်မျိုးနွယ်မှ အကြီးအကဲများက သူတို့နှစ်ယောက်၏ဘေးတွင်ထိုင်လိုက်ပြီး အခြားမျိုးနွယ်လေးခု၏ အကြီးအကဲများကလည်း ငြိမ်သက်စွာထိုင်လိုက်ပြီး စကားတစ်ခွန်းမှ မပြောရဲကြပေ။
နေ့လယ်စာစားပြီးသည့်အခါ မျိုးနွယ်စုလေးခုက ကျွမ်းချင်ကို တောင်းပန်စကားပြောကြသည်။ နဂါးနီမျိုးနွယ်၏ ခေါင်းဆောင်ဖြစ်သော ဆံပင်များဖြူဖွေးနေသည့်လူအိုကြီးက ကျွမ်းချင်ကို ဒူးထောက်၍ ဦးညွတ်အရိုအသေပေးနေသည်ကို ဖူလီကြည့်နေပြီး ဘေးနားသို့ အနည်းငယ်ရွှေ့သွားမိသည်။
" မျိုးနွယ်ခေါင်းဆောင် ဒီလိုလုပ်ဖို့ မလိုပါဘူး..."
ကျွမ်းချင်က မတ်တပ်ထရပ်လိုက်ပြီး နဂါးနီမျိုးနွယ်ခေါင်းဆောင်ကို ထူပေးလိုက်သည်။ သူ့မျက်နှာထက်တွင် မည်သည့်အမူအရာမှ ရှိမနေပေ။
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
