Chapter 160
Imperial MeowAugust 31, 2023
Chapter 160
အဆုံးမဲ့သင်ယူမှု
ကျွမ်းချင်နှင့် ဖူလီ၏ နှစ်သစ်ကူးမှာ ပျော်ရွှင်ပီတိဖြစ်မှုများဖြင့် ကုန်ဆုံးခဲ့သော်လည်း စီမံခန့်ခွဲရေးဗျူရိုမှ အခြားလူများမှာမူ သူတို့၏ ဂိုဏ်းတူများနှင့် သူငယ်ချင်းများထံမှ စပ်စပ်စုစု မေးခွန်းပေါင်းများစွာကို တောင့်ခံပြီး ဖြတ်သန်းခဲ့ရပေသည်။
ဥပမာအားဖြင့် " နဂါးဧကရာဇ်ကျွမ်းနဲ့ ဖူကျင့်ကြံသူတို့က တကယ်ကြီး တွဲနေကြတာလား " ၊ " သူက ရွှေနဂါးမျိုးနွယ်ရဲ့ နောက်ဆုံးလက်ကျန်နဂါးတစ်ကောင် ဖြစ်နေတာကို ယုန်ထီးမိစ္ဆာတစ်ကောင်နဲ့ တွဲနေတယ်ဆိုတော့ တခြားရေသတ္တဝါမိစ္ဆာတွေက လက်ခံကြတယ်လား " အစရှိသည့် မေးခွန်းများဖြစ်သည်။
၎င်းက ကျွမ်းချင်အတွက် တရားမျှတမှုမရှိဟု တွေးနေကြသည့် မိစ္ဆာများစွာရှိသည်။ အချိန်အတော်အတန်ကြာအောင် ခံစားခဲ့ရပြီး ခက်ခက်ခဲခဲဖြင့် အတိဒုက္ခကြီးတစ်ခုကို ဖြတ်ကျော်ကာ နဂါးဧကရာဇ်ဖြစ်လာပြီးသည့်နောက်တွင် ကျွမ်းချင်က ရေနေသတ္တဝါမျိုးနွယ်စုအားလုံး၏ လေးစားကိုးကွယ်မှုကို ရရှိခဲ့ပြီးဖြစ်သည်။ သို့သော် အဆုံးတွင် သူက ယုန်ထီးမိစ္ဆာတစ်ကောင်နှင့်သာ အတူတူရှိရန် ဆုံးဖြတ်လိုက်သည်။
တခြားရေနေသတ္တဝါမျိုးနွယ်တွေက လက်ခံနိုင်ပါ့မလား...
ကျွမ်းချင် နဂါးဧကရာဇ်မဖြစ်မီအချိန် ဖူလီနှင့် ဆက်ဆံရေးကို ပွင့်ပွင့်လင်းလင်း မထုတ်ဖော်ချိန်ကပင် သူတို့နှစ်ယောက် အတူရှိနေပါက ကောင်းမည်ဟု ကျင့်ကြံသူအားလုံးက ထင်ခဲ့ကြသည်။ သို့ရာတွင် ကျွမ်းချင် နဂါးဧကရာဇ်ဖြစ်လာပြီး ဖူလီနှင့် ဆက်ဆံရေးကို အတည်ပြုလိုက်သည့်အခါ သူများကိစ္စ ကြားဝင်စွက်ဖက်လိုသော မိစ္ဆာများက ဟိုဟိုသည်သည် ပြောလာကြသည်။ ဖူလီ၏ နောက်ခံအင်အားက မသေမချာဖြစ်၍ ရေနေသတ္တဝါမျိုးနွယ်များ၏ ဧကရာဇ်နှင့်မထိုက်တန်ဟု ပြောကြသူများလည်းရှိကာ ကျွမ်းချင်၏လုပ်ရပ်က ရေနေသတ္တဝါမျိုးနွယ်များအတွက် စိတ်ပျက်စရာဖြစ်သည်ဟု ဆိုကြသူများလည်းရှိသည်။
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
