Chapter 109
Imperial MeowAugust 06, 2023
Chapter 109
ကျွမ်းချင်က သူတွေးမိသည့် မည်သည့်နှစ်သိမ့်စကားကိုမှ သုံးမရဟု ခံစားရေပသည်။ သူက အတန်ကြာအောင် ကြောင်ငေးကြည့်နေပြီးမှ ခေါင်းညိတ်ပြလိုက်သည်။
"မင်းပြောတာ ဟုတ်တယ်... ကြိုးစား..."
"ဒါပေမဲ့ ငါတို့က စီနီယာကျူးယွဲ့ကို အန်တီလို့ခေါ်ပြီး မင်းက အစ်မလို့ခေါ်တာက တစ်ခုခုမှားနေတာမဟုတ်လား..."
ကျွမ်းချင်က ဖူလီသည် သူတို့၏ စရိတ်ကို အမြတ်ထုတ်နေသည်ဟု ခံစားရပေသည်။
"အဲ့ဒါက ဘာမှမမှားပါဘူး..."
ဖူလီက အခိုင်အမာ တုံ့ပြန်လိုက်သည်။
"ငါက မင်းထက် နှစ်၂၂၀၀မက ပိုကြီးတယ်... မင်းငါ့ကို ဦးလေးလို့ခေါ်လို့ရတယ်..."
ကျွမ်းချင်က အပြုံးတုတစ်ခုကို ဆင်မြန်းလိုက်သည်။
"အဲ့လိုလား..."
ကျွမ်းချင်၏ အမူအရာကိုမြင်ကာ ဖူလီက သူ့ကိုယ်သူ ပြင်ပြောလိုက်သည်။
"ငါတို့ရဲ့ ကောင်းမွန်တဲ့ ခင်မင်မှုကြောင့် အဲ့လို ရှေးရိုးစွဲအပြုအမူတွေကို အထူးအာရုံစိုက်နေစရာမလိုပါဘူး... တစ်ယောက်နဲ့ တစ်ယောက် ညီညီမျှမျှ ဆက်ဆံတာက အဆင်ပြေပါတယ်..."
"ဘယ်သူက မင်းနဲ့ ကောင်းမွန်တဲ့ ခင်မင်မှု ရှိတာလဲ..."
ကျွမ်းချင်၏ အကြည့်များ၏ ဖူလီ၏ သွယ်လျသော လည်ပင်းပေါ်သို့ ရောက်ရှိသွားသည်။ သူက အလျင်အမြန် အကြည့်လွှဲကာ နီရဲနေသော မျက်နှာဖြင့် ဆိုလိုက်သည်။
"မင်းက ဘယ်လောက်ကောင်းတဲ့ စကားတွေ ပြောပြော ငါက ဒီနေ့နုတ်ထားတဲ့ လုပ်အားခကို ပြန်ပေးမှာ မဟုတ်ဘူးနော်..."
"ငါက ပိုက်ဆံကို ကိုးကွယ်တဲ့ လူမျိူးမို့လား..."
ဖူလီက ကျွမ်းချင်ကို ပခုံးလှမ်းဖက်ထား၍ သူတို့က ညီအစ်ကိုကောင်းနှစ်ဦးနှင့် လုံးဝ ဆင်တူနေပေသည်။
"မင်းတို့ လူငယ်မိစ္ဆာတွေအားလုံးက အနေခက်တတ်တယ်ဆိုတာ ငါသိပါတယ်... အဲ့တော့ ငါလျှောက်မစတော့ဘူး... ဒါပေမဲ့ ဒီကိစ္စအတွက် ကျေးဇူးတင်ပါတယ်..."
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
