Chapter 164
Imperial MeowAugust 31, 2023
Chapter 164
အတိတ်သိမြင်ကြေးမုံ
လွင့်မျောနန်းတော်၏ အပြင်ဘက်တွင် ပိုင်ဇယ်က တင်းကြပ်စွာပိတ်ထားသည့် နန်းတော်တံခါးများကို ကြည့်လိုက်သည်။ သူ ဝမ်းနည်းစွာဖြင့် သက်ပြင်းချလိုက်မိပေသည်။
" နှစ် ၂၀၀၀တောင်ရှိခဲ့ပြီ... ဒါပေမဲ့ မင်းအတွက် ထားထားခဲ့တဲ့ ရွှေရောင်လွင့်မျောနန်းတော်ကို ဒီနှစ်တွေထဲ သုံးလိုက်ရတာပေါ့လေ..."
ဖူလီက နန်းတော်တံခါးမှ အရံအတားကိုဖယ်ပြီး ပိုင်ဇယ်ကိုဦးဆောင်ကာ အတွင်းသို့ ဝင်သွားလိုက်သည်။
သူ ထင်ထားသည့်အတိုင်းပင် ဖုန်းလွေ့ကျုံးနှင့် ခန်းကူတို့က ပိုင်ဇယ်ကိုမြင်သည်နှင့် အလွန်စိတ်လှုပ်ရှားသွားကြသည်။ သူတို့နှစ်ပေါင်းများစွာ ကွဲကွာနေခဲ့ရသောကြောင့် ဖူလီက သူတို့ကို ရှောင်ပေးရန် ပြင်လိုက်သည်။
ဖူလီ ပင်မတံခါးမှ ထွက်သွားတော့မည့်အချိန်တွင် ဖုန်းလွေ့ကျုံး မေးလိုက်သံကို မပီမသကြားလိုက်သည်။
" မင်း ဘာတွေဖြစ်ခဲ့တာလဲ..."
သူက စိုးရိမ်တကြီးဖြင့် မေးနေခြင်းဖြစ်သည်။ ဖူလီ နားထောင်တော့မည့်အချိန်တွင် အသံအားလုံး ပျောက်ကွယ်သွားသည်။
သူတို့က ငါ မကြားစေချင်တာ တစ်ခုခု ပြောနေကြတာများလား...
ဖူလီ အထဲပြန်ဝင်မည်အပြုတွင် အရံအတားတစ်ခု ပေါ်လာပြီး သူ့ကို အထဲဝင်မရအောင် ကာဆီးထားသည်။ သူ အရံအတားကိုမှီထိုင်နေလိုက်ပြီး ကောင်းကင်ကို မော့ကြည့်လိုက်သည်။ ရာသီဥတုက အလွန်မကောင်းလှပဲ နှင်းကျလုမတတ် သို့မဟုတ် မိုးရွာလုဆဲဆဲ အခြေအနေဟု ထင်ရသည်။
သူ အချိန်မည်မျှ ကြာသည်မျှအောင် ကောင်းကင်ကိုစိုက်ကြည့်နေမိပြီး ရုတ်တရက် ဖုန်းသံမြည်လာသည်။ ၎င်းက သူ မကြာသေးမီကမှ ထည့်ထားသော messaging appဖြစ်သည်။ ၎င်းက video call ခေါ်နိုင်သည့်အပြင် conversation များကိုသာမက ပုံပေါင်းစုံကို forward နိုင်သည်။ ဖူလီက ယခုနောက်ပိုင်း ထိုappကို သဘောကျနေမိသည်။
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
