Chapter 138
Sue Xing NwayAugust 24, 2023
🐰Chapter 138🐉
ပန်းကန်ဆေးခြင်း
ထိုည သူတို့ရုံးဆင်းချိန်တွင် နှင်းများကျဆင်းလာပြန်သည်။ ဖူလီက ဝန်ထမ်းအဆောင်သို့မပြန်ဘဲ ဘော့စ်၏ကားပေါ်တက်သွားသည်ကို ရှုယွမ်မြင်လိုက်သည်။ သူမက ဘေးနားမှ ချောင်းယွင်ကို အသံတိုးတိုးဖြင့် ပြောလိုက်သည်။
" ဖူကောက အခုနောက်ပိုင်း ဘော့စ်အိမ်မှာ တူတူနေနေတာများလား..."
" မပြောတတ်ဘူး ဟုတ်ရင်လည်းဟုတ်မှာ..."
ချောင်းယွင်က ဖူလီ့အခန်းထဲမှ မပြုပြင်ရသေးသည့် ပြတင်းပေါက်ကို တွေးမိသွား၍ သူမ၏ အမူအရာက လေးနက်လာသည်။
" ဖူကောရဲ့ အခန်းပြတင်းပေါက်တွေ မပြင်ရသေးလို့နေမှာ..."
" လွန်ခဲ့တဲ့ နှစ်ပတ်လောက်တည်းက ပြင်ပြီးသွားပြီ မဟုတ်ဘူးလား..."
ရှုယွမ်က ထိုစကားများ ပြောပြီးချိန်မှ သဘောပေါက်သွား၍ ပါးစပ်ကို အမြန်အုပ်လိုက်သည်။ သူမက အခြားလူတစ်ယောက်၏ကိစ္စကို ဝင်ရောက်စွက်ဖက်သွားမိသည်။
" ဒီလိုအေးတဲ့ညမျိုးမှာ ဆိုဖာပေါ်ကွေးပြီး ဟော့ပေါ့လေး ချက်စားရရင် အရမ်းကောင်းမှာပဲ..."
ဖူလီက စူပါမားကတ်ထဲမှ ပစ္စည်းများစွာကို ဝယ်ယူလာပြီး ကားနောက်ခန်းထဲ ထည့်ထားလိုက်သည်။ သူ။ကားရှေ့ခန်းတွင် ဝင်ထိုင်လိုက်ပြီး သူ့ခေါင်းပေါ်မှ နှင်းများကိုခါ၍ ပျော်ရွှင်စွာပြောလိုက်သည်။
" သွားကြမယ် သွားကြမယ်..."
ဖူလီက ကားကူရှင်ပေါ် နှင်းဖတ်များ ခါချလိုက်သည်ကို မြင်သော်လည်း ကျွမ်းချင် ဘာမှမပြောမိပေ။ သူ ဖူလီ့ကို တစ်သျှူးအနည်းငယ်သာ ကမ်းပေးလိုက်သည်။
" အဝတ်တွေ ရေမစိုစေနဲ့..."
" ရပါတယ် ငါက မိစ္ဆာလေ လူသားမှမဟုတ်တာ နေမကောင်းမဖြစ်ပါဘူး..."
ဖူလီက တစ်သျှူးများယူပြီးနောက် သူ့အဝတ်များကို သာမန်ကာလျှံကာဖြင့် နှစ်ကြိမ်သုတ်လိုက်သည်။
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
