والله إنك عليهم فيك زود...وش يجيب الوطى للنايفه

الشخصيات

﷽
*****
~~ من غدت همي وانا مالي ديار الا ديرها
جالها بين الظلوع الظامية روحة وجية
جادل كل الدروب المعشبة تنبت بثرها
جت تبي جرح وقصيد وخلت الثنتن لية
من يحدثني حديث الثلج للجمر بثغرها
والله اني كنت ناوي لي بهاك الجمر نية
من نشدهاك الوساع الخرس عن دنيا حورها
وش جمع سحر الغموض بسودهاوالنرجسية
الوكاد اني بشط الكحل غنيت لبحرها
ماحلا هوسة هدبها والمساء والسامرية ~~

( هاذي روايتي الاولى فأتمنى تدعموني و تنشرونها 🤍 حسابي بالانستا نفس اليوزر و قراءة ممتعة 🤍 )

ابطالنا:
" نايفه بنت خليفه بن محمد ال ضيدان " ١٩
" هزاع بن مسفر بن عبدالرحمن ال براق " ٢٨

عائلة ال براق:
— الجد مسفر ال براق ( ابو بطلنا ):
انسان اغلب اطباعه القسوى و الصرامه، راعي حلال و يموت على حلاله و من روؤس ال براق الكبار واللي لهم كلمه. كلمته ما تنكسر ولا حد يتجرأ يكسرها اساساً. مع ذالك له جانب طيب يقتصر على ابناءه و زوجته فقط.
— الجدة عفرا ال براق ( ام بطلنا ):
حنونه على عيالها و ما ترضى عليهم الخطأ و لكن شديدة عليهم و حريصه على انهم يمشون في المسار الصحيح ولها هي و مسفر ست ابناء.
— اول ابناء مسفر البراق، البكر ( تركي بن مسفر ) ٤٦:
ماخذ من ابوه مواصفات كثيرة مع كميه ضئيلة من حنية امه، عسكري برتبة لواء، متزوج ( هيا بنت بدر ) و له ثلاث ابناء ( سلطان ٢٢/ سعود ٢١/ العنود ١٩)
— اول بنات مسفر( عبير بنت مسفر ال براق ) ٤٢:
متزوجه ولد عمها ( جابر ال براق ) ، عندها من الاطفال ولد و بنتين ( محسن ١٥/ ساره ١٣/ كادي ٨) وحده همها بس اهلها و حالها حال نفسها.
— ثاني عيال مسفر ( صالح بن مسفر ال براق ) ٣٦:
متزوج ( منال بنت متعب ) و عنده بنتين ندى ٧ / هدى ٥. طبعه هادي و ما يتعدى مجلس ابوه و اخوانه، شخصيته كتومه ولا يحب يشكي لاحد عن همومه.
— ثالث عيال مسفر ( هزاع بن مسفر ال براق ) ( بطلنا ) ٢٨:
اقسى اخوانه و اكثرهم صرامه، اسمه بنفسه يُرجف اجساد اكبر روس الرجاجيل، عسكري برتبة فريق، انسان شديد العصبيه و ما يتحمل يكتمها داخله و يطلعها على اللي قدامه ايّن كان، همه الوحيد شغله و اهله و هذا الشي واضح بحكم اجتهاده في شغله لدرجه انه وصل لهذي المرتبة العاليه. شايل فكرة الزواج من راسه تماماً وهو مو ناوي اي نيه عليه.
— رابع عيال مسفر و اصغرهم ( فيصل بن مسفر ال براق ) ٢٦:
يعتبر هزاع قدوته و متأثر فيه جداً لكنه احن منه و اهون و اهدى، شخصيته حنون و هادي لكن اذا عصب يصير انسان اخر تماماً، ضابط في القوات الجوية و صارم في شغله و مهتم فيه جداً.
— ثاني بنت لمسفر و اخر العنقود ( وجدان بنت مسفر ال براق ) ٢٤:
شخصيتها فرفوشه و تحب المزح و التنكيت حتى في اجّد المواقف، هي ملح بيت مسفر ال براق و فرحته اللي دايمه بسببها.

عائلة ال ضيدان:
— الجد محمد ال ضيدان:
تفكيره قديم و متحجر نوعاً ما، ولكن حنون على اهله كلهم، معروف بالطيب و الكرم و لكن يقلب لانسان قاسي و عصبي اذا حد كسر كلمته حتى لو انهم اهله. كان من اعز اخويا مسفر ال براق ولكن بعد ما باع ابوه ارضهم اللي في نجد فقدو التواصل عن بعض.
— الجدة الجازي ال ضيدان:
تموت على حفيداتها و عيالها و بناتها، تحب زوجها و عيالها و قلبها ابيض مستحيل تشيل بخاطرها على احد. تخاف على عيالها من هبتْ النود ولا تقوى زعلهم. و لها هي و محمد اربعة ابناء.
— اول ابناء محمد ال ضيدان، البكر ( خليفه بن محمد )( ابو بطلتنا) ٤٨:
راعي حلال و اغلب وقته بين الرياض و البر يرعى حلاله، عنده بناته و عياله و زوجته يسوون الدنيا في عيونه يزور اهله كل اسبوعين بحكم انه ساكن بالرياض، اكبر انجاز له بعيونه رضى امه و ابوه عنه و لا يتحمل يشوف الزعل بعيونهم، متزوج رهف(٤٢) (ام البطله) انسانه شديده شوي و اهم شي عندها دراسه عيالها و بناتها، مدلعتهم كلهم ولا تعترض على طلعاتهم و جياتهم و تحب تروح مع زوجها لانها تموت على اجواء البر و لهم من الابناء خمسه.
( ظافر ٢٩: متزوج ( شهد بنت بسّام ) و عنده بنت و ولد/ صقر ٢٧ مهندس/ عبدالله ٢٣ ضابط/ حمده ٢١ تدرس طب بالجامعه/ — و اخيراً بطلتنا نايفه ١٩):
انسانه تموت على الاهتمام بنفسها، تكره اجواء البر و اقل ما يُقال عنها انها مدلعه من ابوها لانها اخر العنقود و ما قد انقال لها لا. جميله بمعنى الكلمه، غمازاتها و الشامه المرسومه بالقرب من شفايفها خلى جمالها جذاب، اهتمامها بنفسها و جسمها خلاها احلى و ازين كل مره جمالها كان جمال خليجي عَربي اصيل، عيون وساع نعّاس دعّج مكحله من سبحانه، اقرب الناس لها اختها حمده و عمتها دانه اللي تعتبرها اختها مو عمتها، تحب جدها و جدتها لكن ما تحب طبعهم المتسلط و اسلوبهم الشديد شوي. حساسه و جداً و ما تحب ولا تربت على انها تكنس و تنظف فتحب تكون علاقتها بأهل ابوها اللي طبعهم طبع اجدادهم من بعيد لبعيد.
— ثاني ابناء محمد ال ضيدان ( تميم بن محمد ) ٤٣:
متزوج ( الجوري)  يحب زوجته و عياله و بنات خوانه و خواته. و ما يتعدى ابوه و اخوه و خواته، يرعى حلال ابوه وعليه من الابناء ولدين و بنت ( خالد ٢٣ / فارس ٢٠/ فاطمه ١٥ )
— ثالث ابناء محمد ال ضيدان و البنت الاولى ( لولوة بنت محمد ) ٣٧:
وحده فله و تحب تسهر و تعاير البنات، لا يغركم عمرها لانها انسانه فرفوشه و تموت على شي اسمه طقطقه. متزوجه وعندها من الابناء بنتين و ولد، ( جود ١٨/ الريم ١٤ / حمد ٨ )
— اخر ابناء محمد ال ضيدان ( الدانه بنت محمد ) ٢٥:
العمه الصغيره اللي وضيفتها تضايق و تزن على كل من هب و دب في وجها، تتغير نفسيتها بالكامل اول ما تجتمع مع عيال اخوانها و يضيق صدرها لما يروحون لكن مستحيل تبين لهم.

باقي الشخصيات نتعرف عليها خلال الروايه 🤍.
ملاحظه: كل القصائد المستخدمه في الروايه مأخوذه من شعراء و ليست مني 🤍🤍.