جبل نورسين 🇲🇦 (مكتملة )

الجزء 3

جلسات على الكرسي و  هزات رواية ديالها كتقراها و بدات تهضر مع راسها بصوت خافت ..

نورسين : واااسمية زيينة هادي جبل  ههه اول مرة نسمع شي مغربي بهاد السمية سميتو كنت شفتها غير فداك المسلسل السوري ديال الهيبة ايييه و انا كنقول لمن كيشبه و الله حتى كيشبه ل تيم حسن الممثل ديال ديك المسلسل نيت تقوليه هو محطوط  و شحال ضريف و شحال غزاال بحالو و باين فيه مؤدب و مصواب [تفكرات لقطة اللي شافتو فيها  فالصباح مع كاميليا بنيس  ]  و لكن زلاااال اووف و انا  مالي فيه و لكن منين غايجيب هاد الفلوس كاملة  و هو ساكن غير فدربنا ديال المزالييط عاطيني 200 درهم على كتاب كيدير ب 50 درهم 150 درهم سمح فيها هدا كولو كرم فيه   عنداك  يكون غبار كيبيع الحشيش ؟؟ اعوذ بالله من شيطان الرجيم نقرا كتابي حشومة الهضرة فالناس

هزات رواية ديالها "#لأنني أحبك " كتقراها و تخشعات مع شخصياتها مجددا ...

❣❣❣❣ فمكان آخر ما بعيدش على المكتبة كان واقف
كمال اللي صونات عليه خطيبتو صوفيا فالتيليفون ..

كمال :وي شيغي

صوفيا :  امدرا شنو درتي دبرتي على البنت اللي غادي تمشي فعوطي ؟؟؟

كمال:  اش كاتعرفي على حبيبك كمال ؟؟

صوفيا: انا قلتلك قلب على شي وحدة يكون زينها على قد الحال عنداك تمشي تجيب شي بنت زوينة تصدق مزعوط ليا فيها  راه و الله حتى نمشي فيها 

كمال: ما كثيقيش فكمال ديالك ؟؟؟

صوفيا :  لا أحبيبي كنثيق فيك و لكن راك عارف غيرتي عليك كتعميني

كمال: ماعندك مناش تخافي احبيبة راني قلبت على أخيب وحدة   خدامة معانا  ما كيديها فيها حد  عارف حبيبتي مغيارة

صوفيا:  [ ابتاسمت برضا ] اوا هاكا نبغيك يالاه هانا نتسناك  باش نعطيك l'uniforme  اللي غادي تلبس

كمال :ها حنا غادي نجيو دابا

صوفيا : يالله باي نتلاقاو كنبغيك

كمال: كنموت عليك

قطع عليها و  بغا يدخل للمكتبة حيت كان كيهضر معاها فالزنقة و هو يقشع   جبل واقف حدا رانج روفر كتشعل ...ابتاسم كمال بخوف من شوفتو و حتى جبل بادلو إبتسامة خطييرة مستفزة بعض الشيئ  خافية بين طياتها غموض كبير  صرط كمال ريقو و دخل للمكتبة بينما جبل دخل الرانج روفر ديالو و لكن الغريب فالأمر اشمن علاقة كتربط جبل بكمال هدا هو سؤال اللي كيطرح نفسو ؟؟ ...

كمال دخل لعند نورسين لقاها  مخشعة فروايتها كتقراها ...

كمال:  أختي نورسين واجدة باش نمشيو ؟؟؟

نورسين هزات عويناتها  و سدات رواية و وقفات و حركات راسها بالايجاب ..

نورسين : واخا هانا جاية غير نقولها لسلمى باش تعوض بلاصتي ونجي اوكي ؟؟