🌕🌕جبل نورسين ⛰️⛰️
الجزء 149:
قال ليها هاد الجملة و هبط سد الباب و غلق البيبان كاملين عليها عن طريق زر تحكم فالسيارة المتواجد فالمفتاح خايف عليها حيت خلاها بوحدها و لكن زاج فومي ما كيبينش ما غايشوفها حد هادشي باش صبر راسو فهاد اللحظة ؛ مشا طلع للكلينيك و بقات نورسين فالسيارة ساهية فالطريق و كتحس بتعب مش طبيعي لدرجة بداو كيتغمضو عينيها بلا ما تشعر حتى غفات فقلب طوموبيل...
❣❣❣
بعد مرور ساعة هابط جبل من دروج ديال الكلينيك بعدما نظفو ليه بلاصة جرحة من الزاج و و دارو ليه الفاصمة حتى هو حاس بتعب مش طبيعي باغي غير ينعس يرتاح بعد هاد اليوم الشاق و لكن نورسين خلاتو حلو و زوين بقربها . ابتاسم فاش تفكر بلي غايلقاها جالسة فطوموبيل و غايشوفها مجددا بعد هاد المدة اللي غاب عليها ...
ضغط على زر التحكم فالسيارة و قرب و حل الباب اللي من جيهة الشيفور و هو يلمح نورسين مغمضة عويناتها و ناعسة كيف شي بيبي صغيور فلتات ابتسامة منو بلا ما يشعر طلع و سد الباب غير بشوية باش ما يفيقهاش تقاد فالجلسة و بقا ساهي فيها شوفاتو ليها ديما كيبعثو إحساس بالحب من طريقة نظراتو ليها تقدر تفهم بلي سيد كيموت عليها كيشوف فيها بطريقة خاصة مميزة طريقة خاصة بنورسين بنت قلبو اللي بسبابها عايش ❤...
ما قدش يصبر و قرب ليها مرر يدو حدا عينيها بانت ليه ما تحركاتش ضاربة سبعة فالربعة خاامرة نيت الشيئ اللي خلاه يزعم و يقرب ليها اكثر و أكثر كيحس بقلبو كايزعمو باش يسرق منها قبلة و فنفس الوقت خايف تفيق ....
حط يدو على كتفها كيحركها باش يشوف الى اي حد قابط فيها نعاس ساعة بانت ليه كاع ما تحركات تقوليها ميتة ...
قرب لخدها و حط شفايفو عليه ببطئ و حنان كيحس بنبضات قلبو كيتسارعو و داتو بدات كتعرق فالبلاصة إحساس زوين خالج فؤادو أحاسيس كثيرة تجمعو عليه داكشي كامل اللي كيتخايلو فبعادها كيتضرب ليه فالزيرو و هو بقربها أفضل مئات المرات من الخيال كيحس براسو و كأنه مخدر فرحان و حاس بنشوة مش طبيعية فهاد اللحظة كأنه طير تفك سراحو بعد مدة من سجن ❤...
بعد عليها بشوية حيت خاف تفيق و يصدق فما هي و ما لونها ابتاسم و هو كيشوف فيها و قال بحب ...
جبل: شكرا على هاد البوسة المسروقة
رجع لكرسي و تقاد فالجلسة كيضحك على راسو معاها كيحس و كأنه مراهق عاد بدا كيعيش الحب و كيتعلمو عض على شنايفو و ديمارا و قلع طريق كلها و هو مبتاسم حتى وصل لمور العمارة حبس اللوطو و التافت شاف فيها لقاها ناعسة و مع هي نعاسها ثقيل تماك تبقى ليه واخا يجيب ليها الطبالة و الغياطة و الله لافاقت ليه و حتى هو نيت ما بغاش يزعجها داكشي علاش نزل من الطوموبيل و ضرب الدورة و حل عليها الباب و تجرأ و دار يد من مور عنقها و يد من مور ركابيها بجوج و هزها فحضنو جاتو كيف شي ريشة سد الباب برجلو و اتاجه لجيهة العمارة كانت ديك ساعة شميشة طلعات سبعة ديال صباح و مع فصل صيف دغيا كتضوا دنيا ...
أنت تقرأ
جبل نورسين 🇲🇦 (مكتملة )
Storie d'amoreيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
