⛰️⛰️جبل نورسين 🌕🌕
الفصل 2: هوسي أنت يا حبيبتي
الجزء 84 :
فهد هز يدو كيحاول يحيد دراع جبل على عنقو .
فهد: كح كح ط......ل......ق كح كح
بينما ربيع اللي كان مركن من خلف الباب منين شاف فهد بقا مصدوم ما توقعش غايلقا خوه هنا و من سوء الحظ سمع بلي فهد هو سبب الحادثة اللي وقعات لنورسين ..... فحين فهد ما نتابهش لخوه حيت كان كيتأمل فكنزة أخت نورسين و كيرمقها بنظرات جميلة جدا و كأنه ما كرهش يتعرف عليها لون سمارها طلتها الجميلة شعرها طويل الأسود الحريري هادشي كامل خلاه يسهى فيها و لعابو يسيل كأنه طاح فشباك غرامها من اول نظرة ....
و لكن ربيع بمجرد ما لمح جبل شانق على خوه خبط على خدو بيدو و نطق فنفسو ....
ربيع : ويييلي ميمتي مشاااااا فيها خوياااااا مشاااا كاااااان راجل مزياااان وااااش ديك المصيبة ديال نورسين باغا تخرج عليا بنت الهم حتى خويا زهرو مق*** أكثر من زهري ما لقا شكون يضرب غا داك المشة الكحلة نااااري ضبرتي عليها يا خويا فهد مع برج إيفل غادي تولي غير جرو منين جاك شي فهد منين شو كي قاااجو ناااري برج ايفل مشا يرزيني فخويا الله الله
نورسين صرخات بقوة فاش لمحات جبل كيفاش خانق فهد ....
نورسين : جببببببببببل بعد منو بعدددددد
شافت فيعقوب و قالت بعصبية ...
نورسين: سير فااااكهم اش جالس كتفرج
ربيع ما قدرش يستحمل خاف على خوه لذلك خرج من مور الباب و قال بصراخ ....
ربيع : وااااااا خويااااا هاداك الميمة لما بعد عليه العااااار
جبل منين سمع كلام ربيع رخف على عنق فهد و قال باستغراب ..
جبل : خوك!!؟
بينما نورسين بمجرد ما لمحات ربيع تنفست الصعداء و قالت براحة ....
نورسين : ربيع جابك الله فين كنتي
فاطمة : يا ويلي اش هاد روينة هنا كيفاش خوه أناري
كنزة :[باستغراب ] علاش ربيع عندو خوه ؟
سلمى :علاه يصحابلكم مقطوع من شجرة
نورسين : ودااابااااا غير سكتو عصبتوني واش انا عيااانة و جيتو تكملو عليا
أما فهد ما صدقش عينو منين لمح خوه ربيع اللي إشتاق ليها بزاف عينو تغرغرو بدموع بقا جامد مكانو مدة و قال بصدمة ...
فهد: ربيع
ربيع ابتاسم لفهد و قرب لعندو بخطوات بطيئة و ما حس براسو حتى جرو لعندو عنقو بقوة و قال بصوت مخنوق ....
ربيع :توحشتك اخويا
فهد بعد عليه و قال بصوت حنييين حاط يدو على كتاف ربيع تنهد و قال ...
فهد : ربيع فين غبورك أخويا علاش مشيتي و خليتينا علاش ؟؟
ربيع صرط ريقو بصعوبة و كيحاول يقاوم الدموع اللي باغيين ينزلو من عينو و قال بحرقة ...
ربيع : كي بقات الواليدة ؟؟؟
فهد: [بأسف] مريضة من نهار مشيتي
جبل ربع يدو شاف فنورسين و قال باستفسار....
جبل : شنو هادشي واقع هنا ؟؟
نورسين ربعات يديها و قالت بتعالي ...
نورسين : هاداك فهد خو ربيع شحال هادي ما شافو بعضياتهم و من الصدفة هاد نهار صدق هو اللي ضاربني بطوموبيل
سلمى : [بفضول ] ونتي منين كتعرفيه؟؟؟
جبل و كأن سؤال سلمى جاه على الݣانة لذلك قال ....
جبل: هدا هو الاهم ممكن نعرفوا كيفاش كتعرفيه ؟؟؟
نورسين : اوووف طيبتوني بالاسئلة ديالكم ماشي سوقكم هي مليار
فاطمة دارت يديها فجنابها و نطقات بنفاد صبر ...
فاطمة: تي دوي يا مشعككة شعر منين تعرفي هاد خوه تنسولوك جوبينا كوني تحشمي شوية
نورسين : اووف و قصة طويلة المهم باختصار واحد نهار كنت خارجة انا و ربيع و شفناه فالمول و ربيع اللي قالي خويا هاداك و من زهر خدمت فعرسو و عقلت عليه و صافي هي فين قلت ليه راني كنعرف ربيع و تعرفت على ماماه و على خوتو كاملين الله يعمرها سلعة و من تماك بقات العلاقة بيناتنا
فاطمة شافت فربيع و نطقات باستغراب ....
فاطمة : وااا العجب هادا يا نتا يا وليدي ربيع عندك عائلتك
ربيع شاف ففاطمة و جاوبها بحزن ...
ربيع : علاه يصحابلكوم انا مقطوع من شجرة راه عندي عائلتي
فهد عنق خوه جانبا و قال بألم مخفي بين طيات صوتو...
فهد : ما توحشتيناش أخويا ؟؟؟
ربيع تنهد و جاوب خوه بحرقة ...
ربيع : توحشتكم صراحة ولكن راك عارف المشكل اللي عندي مع الواليد ما نقدرش نرجع لدار
كنزة عوجات فمها و حنات على ودن نورسين و نطقات بهمس ....
كنزة : كيفاش خدمتي فعرسو عاود كتعرفي داك تيتيز كامل و مخبعاه على ختك ياك أ الحرامية ؟؟
نورسين شافت فختها و جاوباتها بخفوت ...
نورسين: ونتي اش بغيتي بيه راه سيد مزوج
كنزة : يا ختي عينو زايغة من قبيلة و هو يشوف فيا
نورسين : غير كتخايلي اويلي راه سيد مزوج و عندو بينتة كتحمق سميتها لامار فنيونة مشاء الله
كنزة عوجات فمها و قالت بعدم رضا ...
كنزة: تفو كن غي بقيتي ساكتة السيد مزوج ووالد مابايناش عليه كيبان ما زال صغير
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
