🌕الفصل 1: جبل نورسين ⛰️
الجزء 71:
جبل : كنحلف ليك بلي خلق السما و الارض ما نخلي حتى حاجة تقيسك ا نورسين
نورسين : عارفة أ خويا جبل و لكن ..
عاد وعات بيدو اللي محطوطة على خدها و بعدات وجهها بشوية و شافت فيه لقات عينو كيلمعو و كيبان فيهم حزن كأنه حزين هو الآخر حيت شافها بهاد الشكل ...
نورسين : صافي نسا أ خويا ان شاء الله ما يوقع والو خاصنا نمشيو ألاه نوصل
جبل حل ليها الباب ديال طوموبيل و هبط ليه المورال بديك خويا تاني ...
طلعات نورسين و جلسات و جبدات حزام السلامة و قاداتو هاد المرة راسها اما جبل عاد طلع مكره واصل لطوب ديال الاعصاب ديالو بديك كلمة خويا اللي كتسممو بيها فكل مرة كأنها كتوصل ليه ما تحلمش تكون شي حاجة اكثر فحياتي من خويا هو ما عارفش بلي نورسين من ديما كتحلم يكون عندها خوها اللي يدافع عليها و يحميها كأنها كتشوف فجبل داكشي اللي كتحلم تشوفو فخوتها و اصلن نورسين لاغية فكرة أنها تحب من طرف شي شخص و هادشي الفضل فيه كيرجع للالا كنزة اللي تقيل تدخل ليها فكرة انها خايبة واخا كتقرا روايات رومانسية بزااف و لكن كاتآمن بلي الحب موجود فالقصص الخيالية فقط لو كان فالواقع ما كانوش غايكتبو عليه أصلن و يحظى بإعجاب القراء 💔....
ديمارا جبل اللوطو و قلع و حاضي نورسين بنص عين اما هي غير ساهية فطريق كيفكر كيفاش يخرجها من هاد المود الحزين بأي طريقة ....
جبل : شوية دابا ؟؟
نورسين : [شافت فيه ] حمد لله
جبل : و منين الحمد لله فين هي الضحيكة ؟؟
نورسين ابتاسمت غير بزز و قالت ...
نورسين : هاهي
جبل : تا حاجة ما تستاهل طيحي عليها دموعك شنو قلت ليك داك المرة ؟؟؟
نورسين بقات ساكتة كتفكر فشنو قالها حتى نطقات مع ابتسامة ...
نورسين: دموعك غاليين ما طيحيهمش على رخيص
جبل: برافو كتستافدي من دروس اللي كانعطيك كيبان ليا نبدا ندير ليك امتحانات و نعطيك النقط
نورسين ضحكها و قهقهات بصوت مرتفع شوية الشيئ اللي خلا البسمة تضهر على قلبو قبل شنايفو . شاف فيها و رجع شاف فطريق و نطق بصوت حنون ...
جبل : الله يخليك ديما ضاحكة
نورسين شافت فيه هي الاخرى و بقات ساهية فيه ما عرفات باش تجاوبو طريقة تعامل ديالو كتجيها فشكل ضريف و مؤدب و مصواب لأقصى درجة و باين فيه إنسان مثقف و واعي و اللي كيسطيها فيه هي روحو المرحة ما يمكنش ما تضحكش فاش تكون معاه ❤...
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
