⛰️⛰️جبل نورسين🌕🌕
الجزء 458 :
نورسين بمجرد ما سمعات طريقة كلامو الفظة طلع ليها دم خاصة فاش بان ليها رجع بكسدتو للوراء و كيفسخ أزرار الشوميز العلوية نورسين عمرها شافتو بهاد الحالة تصدمات كأنه ماشي هو هدا جبل اللي بغات جبل اللي سرق قلبها هادئ حنون حتى من نبرة صوتو من ديما معاها كتكون منخافضة اما دابا فهو كيتكلم باندفاع و بصرامة كأنه ما مرتاحش و شي حاجة مضايقاه تغرغرو عينيها بدموع ترجمات تصرفاتو كأنه غير مجبور على هاد الزواج ياك هو اللي طلب منها هاد طلب علاش دابا تقلب و رجع واحد أخور ؟؟ واش هادشي كايعني بلي هو عمرو يبغيها و لا يشوف فيها ؟؟ واش المهمة غاتكون مستعصية حتى لهاد الدرجة ...
ياسمين و عبد المالك لاحظو عصبيتو تقلب 180 درجة و لاحظوا بلي ما كيشوفش لجيهتها ما بقاو فاهمين فيه والو هدا هو أكثر مثال كيبين أن ناس ديما كيحكموا عليك غير بداكشي اللي كيشوفو ولكن كن يطلو على حالتك من لداخل غادي يفهموك و يعرفوا بلي نتا حالتك عالم بيها غير الله بينما سلمى و يعقوب اللي عارفين علاش كيتصرف بهاد الطريقة غير كيشوفو و ساكتين ....
العدول وجه كلامو لنورسين و قال ...
~ واش عندك أ بنتي شي شروط
نورسين طلعات النفس غير بزز حركات راسها بنفي و قالت ..
نورسين: لا
سولها العدول للمرة الثانية
~ واش توصلتي بصداقك أبنتي ؟؟
جبل نطق بعصبية ....
جبل: عاد غادي توصل بيه
العدول وجه هاد المرة كلامو لجبل و قال ...
~ سي جبل الابراهيمي ولد سي سعيد الابراهيمي واش قابل نورسين بنت محمد زوجة لك على سنة الله و رسوله ؟؟
جبل جاوبو بسرعة ...
جبل: قااابل
رجع العدول سول نورسين و قال ...
~ نورسين بنت محمد واش قابلة بسي جبل الابراهيمي زوج ليك على سنة الله و رسوله
لحظة صمت عمت المكان نورسين سكتات و حسات بدقات قلبها كيتسارعو بطريقة رهيبة ضورات وجهها شافت فجبل اللي كان كيشوف امامو مباشرة متفادي نظر فوجهها ما عرفاتش علاش انتابها قلق واضح واش غادي تقدر تساير الحياة الزوجية مع جبل الابراهيمي واش هي تليق بمقامو واش غايقدر يبغيها و تدخل لقلبو واش غاتقدر تنجح فالتحدي اللي رسماتو فقلبها قبل دماغها افكار تديها و افكار تجيبها و جبل حداها كينتاضر موافقتها بفارغ الصبر الخوف تسلل لقلبو فاش ما سمعش صوتها حتى عاود نطق العدول ....
~ نورسين بنت محمد واش قابلة بسي جبل الابراهيمي زوج ليك على سنة الله و رسوله
نورسين نطقات بخجل بعدما صرطات ريقها بصعوبة ....
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
