جبل نورسين 🇲🇦 (مكتملة )

الجزء 37

🌕🌕جبل نورسين ⛰️⛰️

الجزء 236 :

❣❣❣

عم الصمت فالمكان جبل ماتوقعش غاتنطق سارة شي حاجة بحال هاكا غمض عينو و عاود فتحهم نسى بلي سارة راها غير بنيتة صغيرة و اي حاجة تقدر تقولها خاصة ان الغيرة ديالها عليه كدفعها دير شي حوايج بلا هواها واخا يعيي ما يوصي بينما يعقوب هز العصير و هبط عليه أما سلمى تربط لسانها و بقات غير كتشوف فنورسين و كتمنى ما تاخدش الموضوع بجدية .......

نورسين ضحكات على هضرة سارة و جاوباتها بطريقة مرحة ...

نورسين:منين عرفتيه غايمشي معايا استسلمتي دغيا ، هادشي ما فيهش الحب هادشي فيه القوة [ هزات يديها على هاد الشكل 💪 كتوريها العضلات زعما ] انا غانخطفو ليك غير حضيه مزيان

كلهم عاد ارتاحو منين نطقات نورسين هاكا عرفوها مادات ما جابت كيفما عادتها و نورمال البنت مزال صغيرة أي حاجة غاتجيها على بالها غاتقولها خاصة نورسين غير باغا تنشط و تضحك حيت قلبها عمر حزن سارة جاتها كي درهم د الحلال تنسيها هادشي اللي كتعيش فيه و ترجعها لطفولة شوية ومع نورسين نيت عزيز عليها تشد العكس مع دراري صغار هوايتها المفضلة لقات ما بغات ...

سارة رجعات شعرها للوراء بتحدي و نطقات ...

سارة:كتحدايني دابا ياك

نورسين:اه كنتحداك

يعقوب قرب يدو لفمو على شكل ميكروفون و قلب صوتو كيف شي مقدم ديال البرامج و قال ..

يعقوب:المنافسة تشتد و تشتد و نحن نشاهد هاته الحرب الشيقة يا ترى من سيفوز في خطف جبل الإبراهيمي الملقب بقاهر قلوب الفتيات هل هي سارة القملة اما نورسين مولات العقل انا أراهن على نورسين مولات العقل

مد يدو اللي مشكلها على شكل ميكروفون لسلمى و كمل كلامو بديك لغة العربية الملاوطة ديالو ..

يعقوب:من سيفوز في رأيكِ ؟؟

سلمى قبطات فيدو زعما راه شادة فالميكروفون و سايراتو فهبالو هي الأخرى ....

سلمى : أنا أظن نورسين الملقبة بمولات العقل

يعقوب رجع يدو لفمو و قال ...

يعقوب: ما هي الأسباب الذي دفعتك لإختيار نورسين الملقبة بمولات العقل لماذا لم تختاري سارة القملة ؟؟

رجع الميكروفون الوهمي لسلمى و جاوباتو ...

سلمى : لأنني أثق بقدرات زميلتي نورسين كما خطفت قلبي ستستطيع إختطاف جبل الإبراهيمي

يعقوب رجع يدو لحدا فمو و قال بهمس باش تسمعو غير سلمى ...

يعقوب : هل أنت من أصحاب قوس قزح 🌈 حتى خطفت قلبك يا سلمى