جبل نورسين 🇲🇦 (مكتملة )

الجزء 18

🌕 الفصل 1: جبل نورسين ⛰️

الجزء 95:

ليلى : ههه حشومة عليك بعدي من البنت

جبل بقا ساهي فنورسين كيفاش كاتكلم مع ماماها  و كيفكر غير كيف يدير يفرحها و مايشوفش دموعها   واخا ماعاجبو حال من ذكرها لرشيد اللي كيبان عزيزعليها بزااف ...

جبل: طاتي ليلى تشهيت صلاد فروي

نورسين التافتت عندو و خنزرات فيه و قالت ببراءة ...

نورسين: أنا اللي تسهيتها كاتنقل مني راه قلت ليك نتا غساس

جبل أصلن ما فيه لاجوع لا والو هو قال هاكاك على قبل نورسين بقا غير كيشوف فيها معرف مايقول ...

ليلى: صافي منين بجوج بيكم مشهينها نديكم تاكلوها اتافقنا

فاطمة: يا نتي فين عمرك دقتيها باش تشهايها

ليلى: وصافي أ فاطمة حتى نتي رخفي على البنت شوية  يالاه حتى نتي معانا كاين واحد هنا فضورة كيديرها زوينة

فاطمة: و انا نيت عمري دقتها ياو داك راجل عندي مايتفكرني حتى بفينيدة

ليلى  ناضت كتضحك و قبطات فدراع فاطمة كتضحك معاها و شافت فجبل و نورسين ...

ليلى: سبقونا نتوما

جبل كأنه  كان كيتسنى غير إشارة باش يرجع يقرب ليها  بمجرد ما  سمع كلام ليلى قرب و شد ليها فيديها و سبقوهم  ؛فاطمة و ليلى من موراهم ....

نورسين شافت فيدها اللي قابط فيها جبل و نطقات ...

نورسين: علاس قبطتي ليا فيدي

جبل: باش ما تطيحيش

نورسين هزات كتيفاتها و قالت ...

نورسين: أنا اصلن ما عمري طحت 

جبل: حتى انا عمري نخليك طيحي و حتى الا طحتي يدي هي أول يد غاتمد ليك باش توقفي

نورسين: امم مافهمتس و لكن عجبني كلامك

جبل بقا ساكت و هو يتفكر رشيد و قال بفضول ...

جبل: علاش عزيز عليك رشيد بزاف

نورسين : و حيت كيجيب ليا الحلوى كيسفرها من الحانوت ديال باباه و يعطيها ليا واخا تاياكل العصا مسكين

جبل صرط ريقو غير بزز و حس بغصة وقفات فحلقو و نطق بعصبية  ....

جبل: هاد رشيد اصلن شفار ما خاصوش يكون عزيز عليك 

نورسين: [دلات شنيفاتها ] ما تبقاس تقول على رسيد سفار هو ماسي سفار هو راجل و قالي فاس غانكبرو غايجي يتزوج بيا باس يسري ليا بيمويات بزااف و الحلوى

جبل حس بإحساس خايب بزااف كيفاش فاش يكبرو غايتزوج بيها ؟؟ ما بغاش تقول ليه هاد الكلام حس بقلبو كيضرو و ما عارفش علاش هاد الأحاسيس اللي حس بيهم فهاد اللحظة قطعو قلبو حتى حس بدموع تجمعو فعينيه بلا مايشعر زير على يديها بتملك و قال ببراءة ...