🌕🌕جبل نورسين ⛰️⛰️
الجزء 347 :
🍁🍂🍁
🇲🇦🇲🇦🇲🇦
نورسين تصدمات منين شافت سلمى داخلة عندها كتبكي و تشهق حتى وقفات عليها و بدات تشكي و صوتها كيتقطع بدموع ...
سلمى: غوت عليا داك الكيدار ديال يعقوب ...انا بغيت ليه ضريب ...بغيت ليه مصيبة الحمار لاخور ... هو بايت عند ديك الحمارة بحالو ديك صفريطة وجه الكبالة دايرة كي شي خشبة بلا نجارة بنت الخشبة نيت بغيت ليهم جايحة الكحلة بجوج
نورسين : بشويه عليا ما فهمت حتى حاجة
سلمى : ياك قلتي ليا شفتي جوري مع جبل
نورسين : اه شفتها مالها ؟؟
سلمى : حتى يعقوب كان معاه و باتو عندها فدارها و فاش غوت عليه قلبو عليا الحيوان لاخور و قال ليا انا كنعرف فلانة قبل منك و انا زعما نطرطق قالك هاديك ختهم و لا ما نعرفت تفو هاديك خيتي انا اللي عارفها غاتبقى ضور بيهم حتى طيح شي واحد فيهم و انا و ياك نخشيو صبع و ربع اصلن انا شفتها بعيني كتبقى تعنق و تبوس فيهم تفو على مرض كيداير
نورسين : بلاتي بلاتي كيفاش هاد القضية ديال ختهم نتي كايخليك يعقوب تكوني صداقات و لالا ؟؟
سلمى حركات راسها بنفي و هي تسمع تيليفونها كيصوني هبطات عينيها سلمى طلعات ليها الابيل ديال يعقوب تاني ...
سلمى : ها هو الكيدار اللي حطو جالس كيصوني الحمار لاخور نخليه هنا يصوني و الله ما نجاوبو و لا عرفتي شنو
شافت سلمى فنورسين و كملات كلامها بابتسامة ...
سلمى : الا سميتك صاحبتي عطيه على ودنيه دافعي على صحيبتك راه هاني ولد الكلبة و ما خلاش ليا خليت ليه لوديو نتي اصلن عندك مع المعيار عطيه و شاطيه و الله ما نقولك شنو كديري
نورسين طرطقات عينيها فسلمى مصدومة من الاقتراح اللي عطاتها ...
نورسين : اويلي واش من نيتك انا ما ندخلش بيناتكم
سلمى : و راه انا و ياك داخلين فهادشي و راه هي قريبة لجبل اكثر من يعقوب و خليك هاكا ناعسة على ودنيك حتى طيرو ليك
نورسين صرطات ريقها بصعوبة حسات بقلبها كيضرها فهاد اللحظة مدات يديها لسلمى و قالت ...
نورسين : اري نشوف
سلمى عطات لنورسين تيليفون ليديها دوزات الخط و بان ليها يعقوب اللي تخطف لون من وجهو فور ما شاف نورسين تقاد فالجلسة و بزق القهوة اللي كانت ففمو بدا كولو كيترعد خاصة ان جبل جالس اونفاص معاه نطق بتلعثم ...
يعقوب : ن..نورسين
نورسين عقدات الحداش فالبلاصة و قالت ...
نورسين: اييه نورسين هادي ماشي حرام عليك دير هاكا فصاحبتي بكيتيها و هي ما قالت ليك حتى كلام ديال العيب
أنت تقرأ
جبل نورسين 🇲🇦 (مكتملة )
Romansaيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
