⛰️⛰️جبل نورسين🌕🌕
الجزء 471:
جبل بلا ما يشعر لقا دموعو نازلين فاش تفكر الماضي الأليم تقاد فالوقفة حيت كان جالس حدا قبر ليلى هز يدو على شكل دعاء و قال بصوت رجولي عربي أصيل لروح ليلى الطيبة ....
جبل: اللهم ارحم فقيدة قلبي وآنس وحشتها واجمعني بها في جنتك ، اللهم ارحمها بقدر شوقي لها اللهم ارحم أمي واغفر لها .
اتاجه جبل لطوموبيلتو بعدما قرا عليها ما تيسر من آيات القرآن الكريم و دعا مع فقيدة قلبو و روحو "ليلى " ديمارا اللوطو و قلع فإتجاه الفيرمة حتى وصل باركا طوموبيل نزل من اللوطو و اتاجه لباب الفيلا لقاه مردود ف غير دفعو و دخل...
بمجرد ما حط رجلو بداخل الفيلا ابتاسم فاش سمع صوت نورسين كضحك قادوه رجليه حتى وصل لعندهم لقا العائلة مجموعة على بريرد ديال اتاي و الحلويات محطوطين فوق الطبلة ...
جبل حط سوارت فوق الطبلة و قال بهدوء ...
جبل : سلام عليكم
يعقوب : و عليكم سلام
جبل جلس حدا نورسين و انتابه للكيطمة اللي لابسة ابتاسم فاش شافها مرتادية بحالو بدلة رياضية فنفس اللون غير هي فضهرها Queen شاف فسلمى حيت عرفها غاتكون هي صاحبة الفكرة لذلك غمزها و نطق ...
جبل: خرجتي نتي و نورسين ؟؟
سلمى حركات راسها بالإيجاب و قالت ...
سلمى:وي خرجنا انا و ياها خدينا شي حاجات بساط و جينا
نورسين حطات الكأس ديال اتاي فوق الطبلة و التافتت شافت فيه و قالت مع ابتسامة حنونة ...
نورسين:شكرا بزاف حيت فكرتي فيا عدبتي راسك انا عندي الخير ديال الحوايج سلمى ما قصراتش من جهدها معايا و نتا دابا غير بغيتي تعدب راسك فاش عطيتيها لاكاغط بونكيغ باش شرينا داكشي و الله
جبل ابتاسم و جاوبها بحنان فصوتو و هدوء يبعث راحة نفسية ....
جبل :ما كاينش بيناتنا شكرا حنا دابا رجعنا واحد فلوسي هما فلوسك كلشي ديالك
نورسين عضات على شنايفها و حنات راسها بخجل بينما جبل مد يدو من مور كتفها مستمتع بهاد اللوحة الفنية الجالسة أمامو ملاك على وجه الأرض هاكاك مرسومة فبالو و خيالو و محفورة فقلبو شحال كيعجبو الحال فاش كتحني راسها حياء نورسين كتغتال كيانو عيونها بوحدها كفيلة باش تدوب صخور العشق بداخلو و قربها كفيل باش يهزم كبريائو ما شعر حتى لقا الابتسامة مرسومة على ثغرو و لكن لسوء الحظ يعقوب فسد عليه تأملو بمزاحو المعتاد...
يعقوب: ياك لابس كيهروك ملائكتك اولا ياكما زواج وافقك هه ؟؟؟
جبل نقل نظراتو بإتجاه يعقوب و خنزر فيه بينما يعقوب غمزو كأنه كيقلي ليه السم غير بالبارد فحين سلمى قالت ...
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
