🌕🌕جبل نورسين ⛰️⛰️
الجزء 365 :
🍁🍂🍁
فمكان آخر و بالضبط داخل مكتب أكبر فندق فشمال إفريقيا جالس يعقوب هاز قهيوة فيدو و كيدقق فالمداخيل السنوية للفندق واش الحسابات هوما هادوك و لالا واش كاين شي تقدم على مستوى المالي و لا لا خاصة أنه هو المكلف بالإدارة المالية للفندق جالس منغمس فالوراق و كيدقق فيهم بكل تفاني فالعمل حتى كيسمع تيليفونو كيصوني بالهزة باش هزو طلعات ليه "My love ❤" كان مخنزر غير بانت ليه سميتها فلتات من ثغرو ابتسامة و تبشر وجهو و قال مع راسو ...
يعقوب : على الله ما تكونش دارت الهبيزة ديالي شي مصيبة تاني
يعقوب دوز الخط و حط التيليفون فودنو و قال بحب باين فصوتو ...
يعقوب : على سلامة الكبيدة منين تكرمات و عيطات للمعدة
سلمى : القضية حامضة ايعقوب ما فيها لا كبدة لا معدة ما كاين غير المرارة
يعقوب تقاد فالجلسة حيت عرفها غاتكون دارت شي كارثة ...
يعقوب : ياك لمك خمسة أيام دابا باش مبلوكياني و فاش تكرمت لالا سلمى و عيطات ليا جبتي ليا شي مصيبة واش انا منحوس حتى لهاد الدرجة
سلمى : و راه ماكاين شي منحوسة قدي ياك جبل داير لي ڭارد كور حاضينا انا و نورسين
يعقوب : لا نصحح ليك المعلومة هو داير لي ڭارد كور لنورسين بوحدها ماشي ليك نتي
سلمى : قفرتها فكني الله يعطيك الستر راه مشا يقتلني
يعقوب : شنو درتي ليها تاني ياكما نقصتي ليها من حجبانها
سلمى : و مصاب كن نقصت ليها من حجبانها و لا هاد الكارثة هانتا ياك اليوم عيد ميلاد جبل ياك و مشينا نوجدو لاطارط حيت عرفتكم غاتجيو هاد نهار بليل ياك حيت جبل ديما كيحتافل بعيد ميلادو هنا مع جدو و جداتو
يعقوب : طلقي خلاص شنو وقع
سلمى : و راه انا دابا دخلت للقهوة نبول و خليت نورسين واقفة بوحدها حدا المحل ديال الحلوة و تعرض ليها احمق هاز الموس
يعقوب ضرب الوقفة و نطق بعصبية ...
يعقوب : شنا هو واش هي بخير ؟؟؟
سلمى: و هي بخير انا اللي ماشي بخير الا مشا حتى عرف غايدبحني ا يعقوب ونتا عارف صاحبك راه احمق بوراقيه ها العار لما فكني من هادي و ما عمري نخرجها مزال
يعقوب قطع عليها فالبلاصة و خرج من البيرو ديالو اتاجه للبيرو ديال جبل اللي اونفاص معاه بالحلة باش حل الباب لقا جبل مخشع مع البيسي ديالو و هو ينطق و عينو مركزها مع البيسي ...
جبل: يعقوب بغيتي شي حاجة ؟؟
يعقوب ارتاح فاش شاف صاحبو مهدن حيت كن ساق الخبار امبوسيبل يكون بهاد الهدوء كن قربل عليهم هاد الاوطيل ...
أنت تقرأ
جبل نورسين 🇲🇦 (مكتملة )
Romansيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
