⛰️⛰️جبل نورسين🌕🌕
الجزء 527:
سلمى : اجي معايا نهضرو غير تهدني دابا
سلمى جرات نورسين معاها طلعو لطابق الافقي و دخلو لبيت نورسين هاد الاخيرة اللي زدحات الباب على حر جهدها و نطقات بعدما ضورات وجهها عند سلمى ...
نورسين : واش شفتي اللي شفت و لا غير جابو ليا عينيا
سلمى جاوباتها باندفاع قلبها عامر هي الاخرى ...
سلمى: غير خليها على الله يا ختي من صباح و انا نتفقص مالقيت حتى لمن نشكي و نبرد قلبي راه الغيرة قتلاتني ياختي شفتي كيف جالسين كيضحكوا معاها و يهضروها
نورسين : انا راه بغات تورتني فراجل شفتيها كيف حاطة راسها عليه انا اللي عاقد عليا و ما كنزعم دوك زعامات كاملين
سلمى: رزقك هاداك الا داتو ليك فين تلاقاي بحالو يا المصيبة جمعي راسك و فكري معايا كي نديرو نجريو عليها
نورسين طلقات شعرها بعصبية حتى غطا عنقها و نطقات ....
نورسين: لا و كتقولو جيجو و لا ما نعرف سيدة زاعمة
سلمى: خاصنا نتهناو منها اللفعة مخاصهاش تبقا فدار
تسمع دقان فالباب و هي تفتح نورسين الباب لمحات عينيها منال الخدامة واقفة و قالت ...
منال: لالا هبطوا تغداو
نورسين ضورات وجهها شافت فسلمى ابتاسموا بشر مع بعض ...
سلمى: منال دخلي أ حبيبة نهضر معاك دخلي
منال انصاعت لامر سلمى و خطات بخطواتها لداخل الغرفة و سدات نورسين الباب فحين سلمى قبطات فيدين منال بجوج و نطقات بمكر ...
سلمى: غادي ديري داكشي اللي غادي نقولولك بالحرف ما غادي تزيدي ما غادي تنقصي تفاهمنا ؟؟؟
منال شافت فنورسين و رجعات شافت فسلمى و قالت بغير فهم ...
منال: ما فهمت والو شنو غادي ندير ؟؟؟
سلمى : خاصك توافقي بعدا
منال: الا كانت شي حاجة ما غاتخرجش ليا على خدمتي مرحبا
نورسين : ما تخافيش غير ثيقي بينا المسؤولية كلها غانتحملوها حنا ماشي نتي
منال حركات راسها بالايجاب و نطقات ...
منال : موافقة
🍂🍁🍂
بعد عدة دقائق نزلات نورسين و سلمى من الطابق الأفقي مع ابتسامة خفيفة مزينة ملامح وجههم تحمل مكرا و خداعا واضح انهم اتافقو على شي خطة تشفي غليلهم اتجاه جوري و تبرد غيرتهم و لو قليلا ....
جرات سلمى الكرسي و جلسات و نورسين حتى هي جلسات بجانب سلمى اونفاص مع جبل اللي جالسة بجنبو جوري و يعقوب ...
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
