⛰️⛰️جبل نورسين 🌕🌕
الفصل 2: هوسي أنت يا حبيبتي
الجزء 209 :
تحل الباب وهي تقفز من بلاصتها فاش وقعو نظراتها عليه واقف أمامها تشجعات و ناضت من الارض شافت فيه بنظرات قاسية ممزوجة بحزن عميق ما قدراتش تحمل لذلك مسكات جبينها بيديها طلعات جبل من رجلو حتى لراسو حتى وصلات لعويناتو ركزات فيهم شوفة ...
حسات بدوخة و قبطات فالحيط اللي حداها جبل قرب ليها و هي تهز يديها بمعنى سطوب و بنظرات قاسية متوحشة رمقاتو و تكلمات بصوت مرتفع و عينيها كتشوف فعينيه مباشرة .....
نورسين : شكووووووووون هي شكوووووووووون
جبل : [ ببرودة ] علامن كتهدري و مالك كتغوتي و كتبكي واش عندك شي مشكل ؟؟؟.
نورسين ابتاسمت باستهزاء سكتات مدة صرطات ريقها و قالت ...
نورسين: لا ما عندي حتى مشكل أجبل انا بخير ما حدي كنعرفك على حقيقتك انا بخير
كتمسح دموعها و كتحاول تقوي راسها ما امكن باش ما تطيحش و نطقات ...
نورسين: بغيت نعرف غير شكووون نتا هادشي اللي بغيت نعرف
جبل جاوبها بنفس البرود راسم ابتسامة على وجهو ...
جبل: انا حبيبك و راجلك اش هاد الاسئلة انورسين
نورسين قربات ليه و هزات صبعها امام وجهو قائلة ...
نورسين : اااااااااااخر مرة تقول بلي نتا راجلي اااااااخر مرة شكوووووون هي هادي شكووووون اللي كنتي كاتهدر معاها شكووون أجبل حنا مازاااال عاد قلنا بسم الله و مشيتي كاتهدر مع البنات
طاحت لارض على ركابيها و شدات على راسها كتحركوا يمين شمال و نفسها كطلعها بصعوبة لذلك قالت بتعب ...
نورسين : فهمني اجبل هادشي اللي كدير
هزات عينيها شافت فيه وحالتها تدمي القلوب ...
نورسين : عطيني الجواب لهادشي اللي كدير واش انا قصرت معاك فشي حاجة شنو درتلك باش تخوني
جبل حنى على ركابيه و شد ليها فوجهها كيضحك على حالتها فحين هي صرخات فوجهو بقوة ...
نورسين : بعدددد ما تقيسنيش ماااتقيسنيش ..
جبل ضمها لصدرو بقوة و باس على راسها بينما هي كتفركل فيدو ....
نورسين : شنوووو سميتها اليوم نطلع لاسبانيا و نقتلها و نقتلك معاها ندفنكم فقبر واحد .... واااااطلق طلللق وااابعد مني
جبل طلق منها و كيعض على شفايفو باش يحبس الضحكة و هي غير ما كتزيد تجعر ....
نورسين : سميتها جااااكلين و لا ميشااااال ااااه دوي غاتكون زعرة و طويلة و عينيها خوضر ياك اجبل مبدلني بصفريطة ديال الخلا و الله حتى حرااااام عليك أنا عاطياك تقتي كااااملة باش فلخر تخوني مع اسبااااانية اجبل ورقة طلاااقي اليوم توصلني
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
