⛰️⛰️جبل نورسين🌕🌕
الجزء 556 :
جبل تنهد و الابتسامة تعلو وجههه اليوسوفي الجمال رجع بكسدتو للوراء و بقا ساكت لبضع ثواني عاد التافت شاف فجوري اللي واضح الحماس على وجهها متشوقة تسمع من جبل الخبر اللي مفرحو حتى لهاد درجة ...
جبل: كيفما كتعرفي انا كنبغي نورسين منين كانت عندي عشر سنين و حتى هي كتبغيني بزاف
جوري ناضت من مكانها و وقفات بسرعة صفقات بيديها بطفولية و نطقات مع ابتسامة مزينة ملامحها الشقراء...
جوري: واااااااااااو فااااااينالي اعتارفتي ليها و أنا أكيدة غاتكون وافقت و وقعت بيناتكم شي حاجة
جبل ضور وجهو جانبا كيضحك حتى بانو سنيناتو الناصعة البياض و رجع التافت شاف فيها و قال بحب ....
جبل: بلاتي تسناي واش انا خرجات من فمي اعتارفت ليها ؟؟؟
جوري هبطات كتافها بحزن و دلات شنيفاتها بطفولية و رجعات جلسات حداه و هزات مخدة من مور ضهرها حطات عليها وجهها و قالت ...
جوري : ما تقولش ليا ما اعتارفتيش ليها
جبل حرك راسو بنفي فحين جوري نطقات ...
جوري : و لكن خاصك تعتارف ليها ما يمكنش تبقاو هاكا
جبل حط يدو على شعرو حكو من الخلف و قال بهدوء ...
جبل : انا اعتارفت ليها جوج مرات بصراحة
جوري تقادات فالجلسة و اتاسعو عينيها بفرحة و قالت
جوري : ولكن علاش كاتقولي ما اعتارفتيش واش باغي تحمقني ؟؟؟
جبل تنهد و نقل نظراتو لامامو مباشرة ساهي فالفراغ و قال مجاوبها ...
جبل: هنا المشكل هي كانت سكرانة واعتارفات ليا و حتى انا اعتارفت ليها و تقربنا من بعضياتنا بزاف
جوري ناضت من مكانها مجددا و قالت بحب فرحانة لجبل ...
جوري: غادي تفيق فصباح غادي تعقل على كلشي
جبل حرك راسو بالايجاب فحين جوري كملات كلامها ..
جوري: وراه مزيان حاجة واعرة هادي كاع فين كاين المشكل
جبل حرك راسو بنفي و قال ...
جبل: مابغيتهاش تعقل على هادشي اللي وقع و لكن هادي ماشي اول مرة حتى البارح سكرات عن طريق الخطأ و ما جبداتش معايا الموضوع
جوري : [باستغراب ] راه خاصك تعتارف ليها باركة عليك من هادشي كتعدب راسك و صافي
جبل بقا ساكت لبضع ثواني و فالاخير قال بهدوء ...
جبل: ما عمري ما بغيت الاعتراف ديالي يكون هاكا بغيت نعتارف ليها فاسبانيا بغيت يكون الاعتراف بحبي ليها فشكل خاصو يخلي بصمة فقلبها و عقلها قريب نعتارف ليها انا براسي ما بقيتش صابر
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
