⛰️⛰️جبل نورسين 🌕🌕
الجزء 423:
🌤🌤🌤 تسللت أشعة الشمس الذهبية معلنة على بزوغ يوم جديد....
🍂🍁🍂
متكية نورسين فوق سريرها المريح جدا و كتحس بقطرات من الماء فوق وجهها و كأن شي شخص كيقطرو عليها الشيئ اللي خلاها تعنكش ملامح وجهها و تبدا تحل عويناتها ببطئ حتى وضاحت ليها الرؤية و ياريتها ما حلات عويناتها بقات جامدة فبلاصتها و كتشوف فالشخص اللي أمامها لابس قناع مخيف على وجهو مع سلهام فالأسود مثل الأفلام المرعبة ....
نورسين صرطات ريقها بصعوبة و كتحس بقلبها كينبض بقوة الركابي فشلو عليها حتى الحلق باش تغوت ما كاينش ؛ ناضت بشوية كحزات للوراء حتى وصلات للجهة المعاكسة لشخص اللي واقف و كتقرا القرآن فنفسها راسها دايخ عاد فايقة من نعاس و الغريب فالأمر تلقى شخص لابس سلهام أسود مع قناع أبيض بحال الأفلام الأمريكية اللي كانت تفرج فيهم حسات بالدوخة و الفشلة ما بقاتش قادرة تزيد توقف ما عارفة راسها لا فين هي لا شكون هدا اللي واقف عليها خاصة فاش سمعات صوتو المخيف بطريقة مرعبة ...
~خرجيلي من داري
نورسين بمجرد ما سمعات صوتو ما حسات حتى لقات راسها ناضت و شداتها جرية وحدة لخارج الغرفة و كتصرخ بكل ما اوتييت من قوة حتى وصلات لباب الأبارطمون و حطات يديها على البوانيي كتحاول تفتحو و كتغوت بجهدها كامل غاتسطى و لكن ما بغاش يتفتح ليها الباب و زادت كملات فاش لمحات الشخص صاحب القناع الابيض خارج من الغرفة كتحس براسها غاتسطى حتى شافت صاحب القناع الأبيض هز يدو و حيد الماسك من وجهو و بانت سلمى غاتسطى بالضحك على نورسين ...
بينما هاد الأخيرة توقفات على الصراخ فاش شافت غير سلمى اللي دايرة ليها هاد الحالة و معيشاها فهاد الرعب كامل و لكن كتحس بداتها فاشلة الخلعة قضات عليها طاحت لارض، جلسات حطات راسها علىالباب ،وضعات يديها على قلبها و غمضات عينيها كتحس بقلبها غايسكت فأي لحظة رجعات صفرة و شنايفها بياضو بقوة الخلعة ....
بينما سلمى طارت للكوزينة جابت ليها كأس ديال الما و جلسات حداها فالأرض و مدات ليها تشرب ...
سلمى : نورسين واش نتي بخير ؟؟؟
نورسين حلات عينيها بثاقل كلها عرقانة حركات راسها بنفي و قالت بتعب ...
نورسين: الله يا خد فيك الحق أ الكلبة
سلمى : غير بغينا نضحكو معاك شوية ندمتينا هاكي شربي بعدا
نورسين خدات من عندها الكأس ديال الما كتحس
بداتها فاشلة بزاف هبطات عليه و مداتو ليها و رجعات تكات على الباب و قالت ...
نورسين: حرام عليك طيرتيها مني خلعة
سلمى: تكبري و تنساي
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
