جبل نورسين 🇲🇦 (مكتملة )

الجزء 52

🌕🌕جبل نورسين ⛰️⛰️

الجزء 373 :

بعد عليها و حنى راسو كيشوف فالبراسلي خلا نورسين داتها كاتغزل و عينيها دمعو بقوة الخجل ..جبل حيد البراسلي من البواط و حلو دارو فيدو و شاف فنورسين بنظرات حب و قال ...

جبل: واش ممكن تعاونيني الا جات على خاطرك

نورسين حركات راسها بالإيجاب و مدات يديها عاوناتو سدات ليه البراسلي جاه فيدو زوين بزاف ...

نورسين: عجبك ؟؟؟ 

جبل هز عينو شاف فيها و قال مع ابتسامة جميلة مزينة ملامح وجهو باين عليه الفرح ...

جبل: كنواعدك عمرو يتحيد من يدي

نورسين فلتات من ثغرها ابتسامة عريضة حيت عرفاتو عجبو بزاف غير من الجملة اللي قال و حتى هي نيت كانت باغا يكون الأثر و البصمة ديالها كاينة عليه  ...

عبد المالك: بقا دابا الكادو ديالنا  أ ولدي ياك 

ناض عبد المالك حتى وقف حدا جبل و هز يد حفيدو و حط عليها مفاتيح خلاه مستغرب ...

جبل: ديالاش هاد les clés  ؟؟

عبد المالك ضحك و قال بمزاح ...

عبد المالك : هدا الكادو ديال زواجك صراحة

جبل كمش عينو بإستغراب ما عرفش شنو قصد جدو بينما نورسين حسات بمعدتها تقلبات فاش سمعات عبد المالك شنو قال ...

عبد المالك: هادوك سوارت ديال دار خديتها ليها فالمالديف نهار تبغي تدوز شهر العسل سير ليها مع مراتك

جبل ابتاسم بينما نورسين حنات راسها و جلسات فوق الفوتوي حاسة بداتها كتغزل و العرق كيتصبب منها و يديها كيترعدو خاصة فاش سمعات يعقوب نطق ..

يعقوب: اوا شفتي أجبل كلشي كيوجد لعرسك نتا اللي ما باغيش تفهم راسك و تنوض ضربها بشي عراسية فاعلة تاركة

جلس جبل من فوق الفوتوي و جلسات بين أحضانو سارة مجددا اما هو ساهي غير فإسور اليد اللي جاه من محبوبة قلبو نورسين حتى حس بيد سارة على خدو  شاف فيها و ابتاسم ليها بحب و هي تنطق بكل براءة طفولية ..

سارة : علاش أعمو مازال ما تزوجتي شوف نتا شحال زوين يعقوب عندو صح

كلهم ضحكو على كلام سارة حتى نطق يعقوب ...

يعقوب : مازال ما لقى المرأة كتعرفي شي وحدة نزوجوها ليه

سارة : [هزات كتيفاتها ] كنعرف غير راسي ما كنعرف حد انا

جبل مرر يدو على ضهر سارة بحنان و قال بصوتو الرجولي ...

جبل: هاد الهضرة كبيرة عليك  أ بنتي

نطقات جوهرة مقاطعة الحوار بحماس ...

جوهرة : جبل قلتي موجد ليا مفاجأة شنو هي ؟؟