⛰️⛰️جبل نورسين🌕🌕
الجزء 491:
بمجرد ما سمعات نورسين اقتراح سلمى فغرت فاهها بصدمة و اتاسعو عينيها بدهشة صرطات ريقها بصعوبة بمجرد انها غير تخايلات الفكرة فدماغها خجلات و نطقات ...
نورسين: هاويلي على المايو واش داوية من نيتك
سلمى ضربات معلقة د الغلاص و حركات راسها بالايجاب و مع ابتسامة مزينة ثغرها جاوباتها ...
سلمى : اه كندوي من نيتي و الا ما طبقتيش الفكرة نغزك بسناني ولا ما عمرني نعاون طاسيلتك و الا عاودتي جيتي عندي كتقولي ليا عاونيني ما عاونيني حسابي معاك هو اللخر يا سمعي للهضرة يا بعدي مني
نورسين: المايو أسلمى المايو واش من نيتك فين عمرني لبست انا شي مايو و لا زبل ما تعصبينيش الله يرحم باك
سلمى : واش كيصحاب ليك جبل مكبوت سيد راه شابع داك تخربيق واخا دوزي من حداه عريانة ما يتسوقش ليك
نورسين: [بغيرة ] هااااا.... هي مدوز البنات
سلمى : مدوز الخ*را اللي طلي شمن مدوز شي بنات هاد زبيلة هادي فهمي الهضرة اللي كنقولك فين غادة زعما هو شابع بشوفان كن تشوفي البنات اللي عندهم فشركة و اللي كيتلقاو فالحفلات و المؤتمرات كايقولو لشمعة ضوي ولا نضويو فبلاصتك كايشعلو بزين و اصلن هو كوووول فدماغو و مݣور فمخو عادي مالو عمرو شاف البنات بالمايو راه ديما كان كيدوز les vacances فالبحور و الجزر شنو فنظرك زعما كان كيشوف البنات بالخمار و راه كايكونو لابسين غا الپيكيني و المايو هادشي الا ما كانو زوبط ݣاع
نورسين بقات ساكتة كتسمع لسلمى حتى كملات و ما نطقات حتى حرف غير كتفكر فكلامها اللي كيحوم فدماغها ....
سلمى : أفين ساهية أ زغبية غاتلبسيه ولا لا ؟؟؟
نورسين: [بخجل ] و الله ما عرفت كي ندير نلبسو
سلمى : غادي تحلي الماريو و لا شنطة و لا ما نعرفت ليك غاتهزي منو المايو و غاتلبسيه بكل سهولة شنو اللي جاك صعيب فهادشي
نورسين: و لاا زعما كنحشم
سلمى صبعات ليها و جاوباتها ...
سلمى : ها الحشمة
حطات سلمى يديها فوق راسها و كملات كلامها ...
سلمى: علاش غاتحشمي غير قوليلي علاش وا سيد راااجلك أعباد الله أمام رب العباد و العباد هادي واحد ثانيا نتي باغا يبغيك و تغريه و الا بقيتي بهاد الحشمة غايطلقك من نهارك اللول ثالثا الا بقيت متبعاك غاتجلطيني المهم تلاحي خليني نكمل المسلسل التركي ديالي ضبري راسك مالي انا على هاد القرع نمشط ليه راسو
نورسين دلات شنايفها و قالت بطفولية ...
نورسين: و كانحتارمو ما نقدرش نلبس المايو حداه غير اقتارحي عليا شي اقتراح آخر الميمة
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
