⛰️⛰️جبل نورسين 🌕🌕
الجزء 661 :
نورسين دلات شنيفاتها حزنا على فراق محبوب القلب و روح اتاجهت لسرير تزدحات فوق منو و بقات ساهية فالسقف لمدة عدة ثواني و هي تهبط راسها لذاتها كتشوف فالفوطة اللي لابسة و قالت ...
نورسين: بفف ما عنديش حتى الحوايج دابا شنو غانلبس و لكن خليت الحوايج اللي كنت لابسة فالحمام نوض لبسهم و نهني راسي على ما يجي جبل و نخرجو نديرو الشوبينغ خلاتها سلمى
ناضت من فوق السرير و اتاجهت للحمام فتحاتو و هزات سروالها اللي كان معلق وردي اللون مع سوفيطمة كحلة لبساتهم حشات يديها فجيبها و هي تضرب فتيليفونها جبداتو و ابتاسمت كطفلة و نطقات ...
نورسين: مزيان نيت هاهو نتلف به الوقت على ما يجي سي جبل
تزدحات فوق سرير خدمات الويفي مطلوق فابور ابتاسمت و دخلات للانستغرام طالعة هابطة كما عادتها حتى رن الهاتف بنمرة ديال أنور قرنات حجبانها و ضربات الجلسة فوق سرير و قالت باستغراب ...
نورسين: العجب هدا لاش كايعيط ليا ؟؟؟ ااااه يمكن على قبل بنتو
دوزات الخط و قالت بعفوية...
نورسين: سلام موسيو أنور
خدمات مكبر الصوت و تسمع صوت انور مرتافع من الهاتف...
أنور: و عليكم السلام
نورسين: لابس عليك أمورك هانية ؟؟
أنور: حمد الله و نتي ؟؟
نورسين: انا بخير حمد الله كي بقات نيليا كلشي بخير ؟؟
أنور: نقولو الحمد الله واخا حالتها قاصحة شوية
نورسين: [بأسف ] الله يشافيها
أنور : أمين المهم نورسين بغيت نتلاقا بيك حيت عندي ليك شي كلام مهم
نورسين قرنات حجبانها باستغراب و قالت بعفوية...
نورسين: اولا انا ماشي فالمغرب انا فاسبانيا و ثانيا راجلي داك المرة فاش قلت ليه بلي كنت معاك ما عجبوش الحال واخا أستادي و لكن من المفروض يبقى بيناتنا حواجز انا مراة مزوجة ماشي ديال راسي سمح ليا أ موسيو انور و لكن كنقول ليك الصراحة
أنور بقا ساكت حتى كملات كلامها و نطق بهدوء ...
أنور:الموضوع أصلن متعلق براجلك
نورسين بمجرد ما سمعات آخر كلمة تفوه بيها أنور ضربات الوقفة قلبها ارتافعو نبضاتو لواحد الدرجة كبيرة و مهولة لذلك قالت بتلعثم ..
نورسين:م..م...مافهمتش شنو العلاقة بينك و بين راجلي اصلن و فين كاتعرفو ؟؟؟
أنور:راجلك كنعرفو أحق المعرفة و كانعرف حتى مراتو القديمة كاميليا بنيس كانت كتقرا معايا على المايكاب
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
