🌕🌕جبل نورسين ⛰️⛰️
الجزء 115:
❣❣❣
الصرخة اللي طلقات سلمى من فمها خلات جبل اللي كان واقف عاطي بالضهر كيهضر مع يعقوب أمام طوموبيل يلتافت بسرعة خاصة منين سمعها نادات ببنت قلبو نورسين ...
بدورة باش دار كيلمح نورسين طايحة لارض قلبو سكت و رجع حيا كيحس بعقلو غاب كأنه ما بقاش داخ و تلف و حس بالارض كتدور بيه و كايقوليه عقلو بلي نورسين صافي وقعات ليها شي حاجة ....
أ فالبلاصة طار من بلاصتو و مشى كايجري فاتجاه نورسين اللي كانت طايحة لأرض و مصدومة مسكينة هي براسها ما عرفاتش كيفاش وقع ليها كانت غاتقطع الشانطي حتى وقفات حدا رجليها طوموبيل بالخلعة نورسين تزدحات لأرض و لكن موقع ليها والو غير ديك الطيحة ضراتها فضهرها شوية و تجرحات فيديها ما جات فين تنوض حتى شافت جبل جالس على ركابيه و قابط فحناكها و كتحس بيه كيرعد و مخلوع وجهو ما فيه قطرة ديال دم ....
جبل : نورسين جاوبيني نتي بخير هااا بخير ياك
ما تسناهاش تجاوبو ضربها ليها بتعنيقة هي براسها مازال مصدومة و هو زاد صدمها بالتصرف اللي دار ؛ بعد عليها بسرعة و هز يديها كيشوف واش مقيوسة و كيقيس فحنكها و كيشوف فرجليها واش واقعة ليها شي حاجة سيد غايحماق عاد رجع شاف فوجهها و باين خوف مش طبيعي على ملامح وجهو لدرجة هي صدمها و قال ...
جبل : [ بحنية فيها نبرة خوف] نورسين عفاك جاوبيني ياك نتي مزيانة ؟؟ ما كتحسي بوالو ولا عرفتي شنو غانديك لعند طبيب أمبوسيبل نخليك هاكا
حط يد من مور عنقها و حط يد تحت من ركبتها و هزها بشوية لدرجة هي بقات غير مسروطة تزيزنات اويلي واش هازها و لا كدبات ما خلاهاش حتى تهضر زرب عليها زربة خايبة سلمى و يعقوب بقاو غير كيشوفو و العمال اللي كانو فالمكتبة حتى هوما بينما الصحافة كتصور من بعيد هاد اللقطات اللي غاتكون عنوان مثير للجدل ...
نورسين بغات تهضر و لكن ما قدراتش تزنكات فات الحال على الهضرة فاش وصل لطوموبيل شاف فيعقوب و قال بصوت عصبي ...
جبل : يعقوب الباب
فالبلاصة يعقوب طار و حل ليه الباب ؛ جبل حط نورسين فالمقعد الأمامي غير بشوية كأنها شي حاجة ثمينة خايفها تهرس دار ليها صمطة و رجع حط يدو على حنكها و قال بصوت مرعود مازال الخلعة لاحسة ليه عقلو ...
جبل : ارتاحي هانا جاي و غانديك عند طبيب يشوف واش وقعات ليك شي حاجة واخا
نورسين و اخيرا فاقت من الصدمة و نطقات ...
نورسين : ان..انا بخير و الله بلا ما تعدب راسك
جبل كيحرك راسو بنفي و قابط فحنكها و كيتكلم بهيستيرية كيف شي احمق و عينيه فعينيها ...
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
