جبل نورسين 🇲🇦 (مكتملة )

الجزء 102

⛰️⛰️جبل نورسين 🌕🌕
الفصل 2: هوسي أنت يا حبيبتي
الجزء 164 :

رشيد ابتاسم و شاف فنورسين اللي جالسة اونفاص معاه و قال ...

رشيد : نورسين نتي اللي درتيلي الملحة فالقهوة

نورسين غلباتها ضحكة و قالت بتلعثم ...

نورسين : لا غير ...

جوهرة قاطعات كلامها قائلة ...

جوهرة : كنتي باغيا تقتلي ليا راجل مازال حتى ما فرحت بيه ههه

ربيع تدخل فالحوار و نطق ...

ربيع : امم غير راجلها قاتلاه بالفقصة و حتى نتي بغات تقتلوليك هاديك ما فيها ثقة كي عقرب جامع كتضرب من تحت الحصيرة و تخبع يا لطيف ما فيها ثقة

نورسين : ربيييع غاتسد حلقك ولا غانوض نتفاهم معاك نوريك عقرب جامع

ربيع : مااالي كدبت اوا المهم اختي جوهرة بغيت نقولك فاش ديري العرس عرضيني راني نطلعوا ليك من داكشي

جوري: اووو نتا كتغني ف العراسات إذن كتعرف تغني شعبي

ربيع بدا يصرط ريقو عجبو الحال مرر يدو على شعرو و قال بافتخار ....

ربيع : وي هاديك هي خدمتي اصلن تسمعي شي موال ؟؟؟

فاطمة هزات السكين اللي بجانبها و نطقات موجهة كلامها لربيع ...

فاطمة: ياااو سد حلقك غاتصدع الحاج و الحاجة ما يقدو على صداع قالك نسمعك موال نتا اش عرفك فشي موال تعرف غير للعيوط خلي الموال لماليه مزيان تبارك الله كل الا غادي تاكل

ربيع خنزر فيها حيت قمعاتو و كمل مااكلتو فحين فاطمة انتابهت بلي جبل ما كلا والو لذلك قالت باهتمام ...

فاطمة : وليدي جبل طبسيلك عامر ما كليتي والو

جبل هز راسو شاف فيها و قال بابتسامة طفيفة ...

جبل : شبعان أ الحاجة بصحة و راحة

نورسين ما قداتش تاكل غير كتنقب و عينيها كيشوفو فجبل حطات الفرشيطة و حطات يديها على خدها و بقات كتشوف فيه باش يدور يشوف فيها حرام واش داها فيها عوجات فمها و ابتاسمات بشر حطات يديها على فخدو و بقات كترسم فيهم على شكل دوائر وهمية و رجليها حطاتها على رجلو كطلعها و تهبطها عنوة راسمة على شفايفها ضحكة شريرة خلات جبل يشوف فيها بلهلا يطريه ليه خنزر فيها و بسرعة نورسين حولات عينيها و طلقات لسانها حتى أصبح شكلها مضحك جدا لدرجة ان جبل كبح ضحكتو بصعوبة ....

رجع هبط راسو كيخندش فتيليفونو غير مبالي بنورسين اللي ساطت انفاسها بغضب حيت فقدات الامل فأنه يصالحها سالاو العشا و جمعات الخدامة طبلة فحين فاطمة نطقات بعد مدة صمت ...