⛰️⛰️جبل نورسين 🌕🌕
الجزء 587 :
نورسين حسات بالاحراج من كلام سعيدة و فنفس الوقت جبل موصيها على أساس يكون زواجهم حقيقي امام ناس ماشي مزيف الشيئ اللي خلاها تفكر فشي كدبة تضلل بيها سعيدة باش ما تشك فحتى حاجة ....
نورسين: احم لا ماشي هاكاك غير حيت فيا ليريݣل داكشي علاش مزال مدرنا والو
سعيدة تنهدات حركات راسها يمين شمال و نطقات بثبات مع جدية فصوتها ...
سعيدة: سمعيني ابنتي نتي بنت تبارك الله مزيونة و كيبان فيك بعقلك خاصك تحمدي ربي بالليل و بنهار حيت طيحك فداك راجل و تزوجتي بيه مشاء الله عليه الاخلاق الادب و الصواب و الجمال ما عمرو يآديك ما عمري شفت بحالو داكشي علاش خاصك تكوني مراة و قادة شفتي ابنتي سنين وانا مزوجة بعدنان عمرو ما خاني ولا مشا هضر مع شي وحدة واخا كانو كيجيوه فرص كانت واحد صاحبتي بنت الحرام باغا تلعب عليه باش تاخدو ليا ساعة صدق هو اللي دايرها بيها ما ثيقي فحتى وحدة و سمعيني مزيان شنو غادي نقولك كوني لحلاحة خلاوها ماليها لحلاحة غلبات سحارة قالك سولو جمل باش كتاكل الشوك قال ليهم بلسان الحلو ....
حطات صبعها على لسانها و قالت ...
سعيدة : شفتي نص ديال المصايب كاينة فهاد اللسان قادر يدخلك لجنة و قادر يديك لجهنم و هاكاك حتى مع راجل عرفي تخدميه و كوني ثقيلة و لبيبة ما تكونيش فريفيرة قدام راجل كلما ثقلتي يا بنتي توزني فقلبو سمعي الوصية من عندك خالتك سعيدة و ديري بكلامي الله يرضي على بنتي المراة عندها سلاح باش كتقضي على راجلها عرفتيه شنو هو و لا ما عرفتيهش ...
نورسين حركات راسها بنفي فحين سعيدة كملات كلامها ...
سعيدة : اوا السلاح الاول قلنا هو التلحليح و البشرة تكون مطلوقة و ما تنكديش عليه عيشتو و السلاح الثاني الانوثة ياصاحبتي فهمني ابنتي و سمعي مني و حلي معايا ودنيك تهلاي فراسك وياااك و عنداااك تهملي راسك فاش تكوني معاه ابنتي لبسي غير كسيوات قصار و ديري الماكياج د الفريع شفتيني انا راه شارفة شوية و مزال البشرة ديالي مضوية و كنتهلا فراسي و وليداتي و كنشري الحوايج و لي شوميز دو نوي بحال عاد عروسة جديدة وهاهو عدنان كيبقى غير حال فيا فمو يكدب عليك الكداب اللي يقولك العلاقات زوجية كتولي باردة مع مرور الوقت ابنتي المراة هي اللي منها كولشي خاصها ديما تخلق السعادة فدار و تعرف كيفاش تجدد حياتها مع راجلها انا كنقولك هاد الهضرة حيت بنتي ليا سطلة فهادشي ديال زواج و حيت عارفة ولدي جبل يستاهل اللي تهلا فيه و الله حتى يحطك فعينيه غير كوني ليه مراة مرمورة و دكية و عرفي تستاغلي نعمة يحطك فوق راسو يمتعك فالفراش انا نقول ليك
نورسين حنات راسها خجلا من كلام سعيدة الاخير فحين سلمى ضحكات بصوت عالي و قالت ...
سلمى: ههه الله عليك يا شيخة ماما والله حتى نتي علام حسيت بيك فهاد اللحظة بحال صباحيات دوزيم نوضي عطينا نتغداو وباركة على البنت هاد نهار راكي نصحتيها بما فيه الكفاية
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
