⛰️⛰️جبل نورسين 🌕🌕
الفصل 2: هوسي أنت يا حبيبتي
الجزء 110 :
نورسين صرطات ريقها و كتفكر فالكدبة اللي تزرب عليه بيها و فالتالي قالت بتلعثم ...
نورسين: و ...و ...حيت تفرجت فواحد الفيلم ديال الخلعة قبيلة داكشي علاش المهم دابا نعس حدايا عفاااك مالك شنو خاسر أصاحبي
جبل جاوبها ببرودة ....
جبل : و الله ما متيق شكون كان كيقول نورسين غاتجي و طلب مني هاد طلب سبحان مبدل الاحوال
نورسين : ودابا بلا ما يعجبك راسك و تجلس تشفا فيا غاتنعس حدايا و ربي كبير و الا ما بغيتيش غادي ن ...
جبل لصقها مع الحيط و حاصرها بيدو بجوج و قال بصوت حنين بورش نورسين كاااملة.....
جبل : شنو غادي ديري ؟؟؟؟
نورسين عضات شنيفاتها و قالت بلطف ...
نورسين : ما غادي ندير والو انا اصلن ضريفة
تعلات على طراف صبيعات رجيلاتها و سرقات من ثغرو قبلة خفيفة و سريعة و قالت ببراءة طفلة ...
نورسين: صافي على خاطرك الا ما بغيتيش تنعس حدايا نتبعك نعس حداك فبيتك وراك وراك و زمن طويل يصحاب ليك غاتفلت مني يوم الحساب أمام الله و الله ما نتفاك معاك يا جهنم بجوج يا جنة بجوج و هانا فين كانقولها ليك الكار اللي يديك يديني معاك
جبل عاجبو الحال من كلامها و عينيه كيلمعو بالفرحة و شحال كان منتاضر هاد اللحظات خاصة ان نورسين زعمات عليه بزاف و هادشي اللي كان باغي هو غير يكتاشف شخصيتها الحقيقة و تحكي ليه على كاع شنو فقلبها عندو هاديك هي الدنيا و ما فيها بعد عليها طلعها و هبطها و قال بمزاح ....
جبل: جات معك
عطاها بضهر و اتاجه لسرير استلقى فوق منو و قال ....
جبل : ما غاديش تنعسي ؟؟؟
نورسين ابتاسمت بانتصار حيت وافق ينام بجنبها لذلك اتاجهت لعندو بسرعة و طلعات وقفات من فوق سرير و جبل مستلقي كيشوف فيها .....
نورسين: كنت عاارفاك ما غاديش تمشي و تخليني
جبل : نزلي غادي طيحي و عنداك يصحاب ليك مسامحك
نورسين: ماشي مشكل هانية لهلا كاع فين تسامحني غير نعس حداك هداك هو الفضل و راس المال ياك هانية أحبي ما غاندير ليك حتى ازعاج
جبل ابتاسم و جاوبها بمزاح ...
جبل : غير انتي أكبر إزعاج
جبل عطاها بضهرو و تلفت لجهة الاخرى بينما نورسين دلات شنيفاتها و تغرغرو عينيها بدموع و نزلات و تكات حداه و جرات عليها الغطا و شافت فيه مدور وجهو لضفة الاخرى كتحس بقلبها شاعلة فيه العافية و لكن لم تستسلم أزاحت جسدها حتى لصقات فيه و عنقاتو الشيئ اللي خلا جبل يضور عندها و غير ضار حطات راسها على صدرو و هزات عينها شافت فيه و قالت ....
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
