جبل نورسين 🇲🇦 (مكتملة )

الجزء 76

⛰️⛰️جبل نورسين 🌕🌕
الجزء 598 :

جبل ضحك على كلام نورسين فحين يعقوب قال بابتسامة على وجهو ...

يعقوب : كيفاش بغيتيه يرقيك واش فيك شي جن و حنا ما فراسناش ؟؟

نورسين:و غير سكت فيا الجن العاشق

يعقوب اتاسعو عينو بصدمة و حط يدو على فمو بدهشة و نطق بتساؤل ...

يعقوب : واش من نيتك ؟؟؟

نورسين حركات راسها بالايجاب و قالت...

نورسين:وييه غير سكت قصة طويلة

يعقوب شاف فجبل و قال بفضول ...

يعقوب: كيفاش البلان ديال هاد جن ؟؟؟

جبل كبح ابتسامتو بصعوبة و قال موجه كلامو ليعقوب ...

جبل: من بعد أيعقوب من بعد

نورسين عوجات فمها و نطقات بعفوية موجهة كلامها لجبل ...

نورسين: دابا واش بصح غاتمشي عند يعقوب و الله حتى حرام عليك و انا زعما معولة على رقية ديالك ما صدقتيش

جبل: دابا شنو نمشي و لا نبقى معاك خودي قرار نهائي 

نورسين: و راه قلت ليك دير اللي بغيتي

جبل: آخر هضرة عندك ؟؟

نورسين  بقات ساكتة مدة عدة ثواني كتفكر حتى نطقات بعفوية ...

نورسين:  وااا هو فصراحة تبات  فدارك احسن  ليك بألف درجة عرفتي علاش ؟؟

جبل كابح ابتسامتو بصعوبة و حرك راسو بالايجاب و قال...

جبل: علاش ؟؟

نورسين: اوا فدارك كتعرف فراشك و يعرفك المخدة ديالك و فراشك مولف عليك ماشي بحال دار  يعقوب ما عرفتي تكون عندو شنيولة و ناموس يقرصوك و صهد هدا و الواحد ما كيلقا راحتو غير فدارو حشومة تمشي ثقل عليه و هو باغي يجيب الشيخات خليه يدي دنوب غير بوحدو اللي بغا جهنم الله يطليه بيها حرام نتا تدخل لجهنم معاه و نتا ضريف و طيب ولحيتك نشطبو بيها دوار و حافظ ستين حزب و فوق من هادشي كامل خاصك ترقيني ليلة  و راجل هوالكلمة أ سي الابراهيمي

جبل انفاجر بالضحك فوجهها حتى بانو سنيناتو ناصعة البياض قهقه بصوت رجولي و كأنه عمرو ضحك فحياتو من قبل لدرجة   تغمضو عينو و دمعو ليه بقوة الضحك أما يعقوب ما كانش أقل من جبل كيموت بالضجك على كلامها و نطق ..

بعقوب : لا أ ختي نتي سطاج اللخر من نيتك رديتي داري فيها ناموس و شنيولة أ شنيولة ديال بصح و بنية و بغيتيني نمشي لجهنم ما صدقتيش طحتي ليا من عيني

نورسين: اوا نتا باغي شيخات و مزال نقولها لسلمى و تشوف

يعقوب : لا نتي ماشي قد عقلك أنا غير  كنضحك