⛰️⛰️جبل نورسين 🌕🌕
الجزء 616 :
جبل ديمارا الطوموبيل و قلع بسرعة ما كيقشعش واصلة بيه للعظم ديال بصح تخنق داخلو كيصرخ باعلى صوت و لكن الهدوء هو الحاجة الوحيدة الواضحة على ملامح وجهو قلبو يشتعل من الداخل و لكن واحد البرود خطير كيبان فعينيه ما حدو كيفكر ما حدو كيزيد من سرعة السيارة لدرجة نورسين تقلبات معدتها و رجعات كلها كترعد خايفة بزاف كاتقول هنا يدير كسيدة هنا يدخل بينا فشي حيط عيشها فالرعب بلا ما يشعر و مع هي كتخاف من سرعة كتحس براسها غاتموت لذلك نطقات بصوت خافت لان نفس تقطع فيها ....
نورسين :عفاااااك باركة نقص عفااااااك جبل
فين هو جبل ، جبل دماغو كيخطط لشنو غادي يدير ما حاسش بشنو داير بيه عينو مركزة على طريق و دماغو كيفكر فشنو غادي يدير مع انور واش يقتلو و لا يضربو و لا يعوجو من شي قنت و لا يعطبو دماغو مشغول بطرق تعديب اللي غايدير ليه فحين نورسين كتحس بالغثيان و الدوخة ما شعرات براسها حتى حطات يديها على كتف جبل باش يشوف فيها و قالت بصوت مرتافع باش يسمعها ....
نورسين : جبل كنموت
على إثر هاد الجملة الاخيرة بدورة باش كيدور عندها لقاها حاطة يديها على فمها باغا ترد حبس الطوموبيل على جنب طريق و كيحس بداتو كترعد بالخوف عليها و بالاعصاب اللي ركبات فيه نزل بسرعة من اللوطو و حل ليها الباب باش يضربها الريح و تواݣض حنى شوية و قبط فخدودها بجوج و قال بلطف ....
جبل : نورسين واش نتي بخير باش كتحسي أ بنتي ؟؟؟
نورسين حركات راسها بالايجاب كتحس براسها فاشلة و قالت بهدوء....
نورسين: انا بخير
جبل جاوبها بملامح جادة ....
جبل : اصلن نتي عندك سبعة ديال رواح ما نخافش عليك
نورسين ابتاسمت و قالت بعفوية كظن انه سامح ليها ...
نورسين: هي رجعتني مشة ؟؟؟
جبل: كانشوف قدامي غير برهوشة ما كتسمعش كلامي
نورسين كشرات ملامح وجهها ما عجباتهش القمعة اللي عطاها كتحس بيه قصح معاها بزاف رجعها لقسوة باباها و هي ما عمرها تخايلت جبل غايعاملها بهاد الشكل و هو احن شخص عليها فالدنيا طولات الشوفة فعينيه و فالاخير هزات يديها بتثاقل وضعاتها على لحيتو كتشوف فعينيه و كتبكي و تنخصص كيف شي بريهيشة
ما ينكرش بلي قلبو رق ليها و عزااات عليه بقات فيه بزاف كيكره راسو فاش كيشوف دموعها قبل ما تكون حبيبتو كتبقى بنت قلبو المدللة اللي ديما مفششها و ما كيبغيش يشوف دموعها واخا تدير اللي دارت يعاتبها و يغوت عليها ولكن ديما كيبقى هو سند و الحامي ديالها من قساوة الحياة يقسى حتى يعيي و يحن يحن خاصة فاش نطقات بصوت مكسور مترجي .....
نورسين : جبل عفاك... والله ما قصدت فيها شي حاجة فهمني عفاك... عارفني كنخاف ونتا عارف طريق خاوية... عفاااك سمح ليا .... ما عمري بغيت نخون ثقتك فيا ... نتا آخر واحد نبغي نقلقو مني .... ما كنقدرش نشوفك غضبان و لا مقلق مني ...اه انا متسرعة ... و ما كنعرفش شنو كندير ... ما كنحسبش الخطوة قبل ما نزطم و لكن اعتابرني بنتك اللي عاد كتحل عينيها على الدنيا و كتعلم .... ما تعاملنيش هاكا ... عفاك
أنت تقرأ
جبل نورسين 🇲🇦 (مكتملة )
عاطفيةيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
