⛰️⛰️جبل نورسين🌕🌕
الجزء 406 :
نورسين تدكرات الهدية اللي جابت كاميليا لجبل وشافتها فسفلي اللي كانت عبارة على صورة فإطار فيها تصويرتهم بجوج معانقين بطريقة قريبة مكتوب عليها my love نورسين فاش شافتها طلعات ليها الأعصاب ديال دنيا و دين و كملات فاش شافتهم دابا مع بعضياتهم كتحس براسها غاينفاجر ...
حلات عويناتها ببطئ و مسحات دمعات اللي نزلو و بقات ثابتة مكانها للحظات فجأة ناضت من سريرها و وقفات حدا المراية و قالت بكل حرقة غيرة نابعة من قلبها المكسور المجروح من حرب الحب اللي لقات راسها داخلة ليها بلا ما تشعر 💔....
نورسين: ما غانخليكش تآديني أكثر من هاكا و الله لا كانت ليك و لا كانت لشي ولد المراة
🍂🍁🍂
فحين جبل بقا ساكت كيشوف فكاميليا عارفها مريضة بيه كيفما هو مريض بنورسين و لكن شنو غايدير ليها كاتبقى فيه ما كايبغيش يجرحها ؛ حيد يديها من ورا عنقو و هز راسو بكل شموخ و مع نظرات قاصحة جادة خرج كلامو الصارم اللي وجهو ليها كرصاصة قتلاتها ....
جبل: كاميليا سمعني الله يرضي عليك و حضري معايا عقلك الا بقيتي كتزنزني فوق راسي غانوصلو لأمور ما غايعجبوكش و نتي عارفاني خايب و خايب بزاف ما غانعرفكش براسي نتي كتعرفيني من زمان ساحتي و ساحة نورسين خويها كنحدرك و كنعطيك إندار الا عرفت بلي كاتحاولي ديري شي حاجة من مور ضهري غاندمك أ كاميليا تقاي شري
كاميليا : و نتا قادر تنسى ديك نورسين همم
جبل : ما تقارنيش راسك بنورسين
كاميليا شافت فيه بطريقة مؤلمة بزاف قطرات دموع تكونو فعينيها و هزات راسها بكل ثقة و قالت بحزن . .
كاميليا : شفتي نتا الا ما كنتيش ديالي راك ما غاتكون لحتى وحدة من غيري
جبل ابتاسم باستهزاء و ربع يدو و قال بكل ثقة ...
جبل : أحلام اليقظة ما مزيانينش عيشي الواقع ديالك شوية
كاميليا عطاتو بالضهر و حلات الباب ديال طوموبيلتها و هو ينطق جبل بإستهزاء ...
جبل : شفتك كاع ما دخلتي تشوفي جدك و جداتك شنو تبدل ؟؟
كاميليا شافت فيه حتى طاحو دموعها و قالت بغصة مريرة فحلقها...
كاميليا : كنت باغا نشوفك نتا و لكن كنظن عطيتيني الجواب على سؤالي
جبل : فأي وقت بغيتيني نجاوب على أسئلتك انا موجود كتبقاي ما كوزين و امبوسيبل نبخل عليك بالمعلومة
كاميليا دخلات لطوموبيلتها اللي من نوع ميني كوبر و زدحات الباب و ديمارات و قلعات مشات بحالها و جبل بقا مربع يدو حاضيها حتى اختافت على انظارو و لاح داك السيجارة اللي كانت فيدو و دخل للفيلا و خطى بخطواتو حتى وصل لصال أمونجي جر كرسي و رجع جلس كيبان طافي ما هضر ما تكلم حتى قالت ياسمين بحزن ...
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
