⛰️⛰️جبل نورسين🌕🌕
الجزء 548 :
🍂🍁🍂
جبل وصل مع يوسف لمكتب و حل الباب بالهزة باش هزات نورسين اللي كانت جالسة حدا البيرو راسها جات عينيها فعيون جبل و انتافضات من مكانها بسرعة و بخطوات مسرعة وقفات حداه و قالت بحزن مجددا ...
نورسين: جبل عفاك
جبل حنى راسو و قال بصوت رجولي هادئ...
جبل: خاصنا نمشيو
عطاها بالضهر و كمل خطواتو للخارج فحين نورسين تبعاتو بسرعة كتنادي سميتو بألم باش يتلفت عندها ...
نورسين: جبل عفاك سمعني
ما بغاش يضور عندها و فنفس الوقت باغي يلبي نداءها و ياخدها بين أحضانو محتار ما حيلتو لقلبو اللي باغي يسامحها بسرعة و ما حيلتو لعقلو اللي باغي يربيها قلبو كيتقطع طراف طراف فاش كيشوفها فهاد الحالة ولكن حتى هو معدور خاف عليها بزاف كان قلبو غيسكت باش فالتالي يلقاها فمركز الشرطة بكل أناقتها و نشبات حرب بسبابها و دابزو عليها رجال غير مجرد كيتفكر هاد الأمر قلبو كتشعل فيه العافية ....
نورسين بقات تابعاه وهو كيتمشى بسرعة خطواتو كبار و مع هي لابسة طالون صوتو كيتسمع فالأرجاء و كتنادي بسميتو بصوت يبكي الحجر ....
نورسين: جبل
جبل أبى ان يستجيب لنداءها نورسين كتحاول بخطواتها تلحق عليه و لكن ما قدراتش خطواتو كبار مقارنة بخطواتها صغار تلوات رجليها و طاحت لارض و صرخات بألم ....
نورسين: اااااي
بسرعة التافت جبل لعندها و طاحت عينو على منظرها ملقى عليها فالارض و كتنين بألم ماسكة رجليها و كتبكي اهتز قلبو بين ضلوعو و اتاسعو عينيه بصدمة بخطوات مسرعة اتاجه نحوها طاح على ركابيه امامها وضع يدو على كاحلها و شاف فعينيها و قال باهتمام ....
جبل : نورسين واش كضرك ابنتي
نورسين حركات راسها بالايجاب و دلات شنايفها بدلال و قالت بحزن ....
نورسين: بقيت تابعك و نتا كتزرب حتى تلوات ليا رجلي ماشي حرام عليك
جبل شعر بتأنيب ضمير بل و كأن طبول الجنائز في صدره تنشد النشيد الرسمي لموته ما قادرش يشوفها كتألم بل المحزن فالامر انها تآدات بسبابو و فبلاصة ما هي تعتادر أصبح هو اللي كيعتادر بل الخلخال اللي كان مزين رجليها ثارو لدرجة ما قدرش يكبح نفسو لذلك نزل و قبل مكان الاصابة ديالها لدرجة نورسين ما صدقاتش عينيها و شنو كتشوف أمامها هل يعقل أن جبل قبل كاحلها تبورشات داتها كاملة و قلبها انتافض داخل صدرها بعنف و المشهد ديالو و هو حاط شفايفو على كاحلها ما قدراتش تحيدو من بالها ارتاعشت من فعلتو حقا رفع سقف جنونها حد الهذيان و حد الاشباع و حد الاكتفاء فلا قبله أحببت و لا بعده صارت صالحة لحب رجال استوطن كيانها و قلبها بطريقة عجيبة ....
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
