🌕 الفصل 1: جبل نورسين ⛰️
الجزء 79:
قصة هوس جبل بنورسين كانت عندها قصة فالماضي قصة مند طفولة اللي خلات قلبو يتعلق بيها تعلق شديد نرجعو قبل 20 سنة باش نكتاشفو القصة اللي نشأت بحب طفولي بريئ و تحولات لعشق شبقي او هوس❤...
🔙🔙فلاش باك
في إحدى أكبر المدارس الإبتدائية المعروفة و المشهورة فالبلاد ما تحطش فيها رجليك منغير الا كنتي ولد شكون و شكون مدرسة كيقراو فيها أبناء الناس اللي حجرتهم ثقيلة فالبلاد نيت و أبناء طبقة البرجوازية الثرية من محامون و قضاة و وزراء الخ ...
فنفس المدرسة تسمعات رنة الجرس كتعلن على خروج الأطفال من أقسامهم باش يلعبو فساحة اللي كانت كبيرة و فيها المراجيح و ألعاب ديال الأطفال كأنها مدينة الملاهي ما كتحسش براسك فمدرسة بقوة ما مجهزة و مقومة نيت ....
خرجو الأطفال كيتجراو كل قسم كيقراو فيه 10 ديال تلاميذ باش يحرصو أنهم يضمنو ليهم دراسة فأجواء ملائمة و باش ياخدو راحتهم واخا المدرسة كبيرة الا و ان عدد تلاميذها قلال بقوة ما غالية و ماشي كلشي كيقرا فيها كأنها مدرسة ملكية ....
و فقسم من أقسام المدرسة كانت المعلمة اللي كانت أجنبية ماشي حتى مغربية كتشرح ليهم درس بلغة الفرنسية بمجرد ما تسمع الجرس هزات الحقيبة السوداء ديالها و ابتاسمت لتلاميذها بحب و قالت بلغة فرنسية ...
المعلمة :vous pouvez sortir bonne journée [تقدروا تخرجو كنتمنى دوزو نهار زوين ]
وقفو ليها تلاميذ اللي كان ما كيتجاوزش العدد ديالهم 10 ديال الأطفال إحتراما ليها ؛ غادرت المعلمة و خلات التلاميذ فالقسم كيجمعو أدواتهم ...
من بينهم كان جالس طفل عامر فالبنية ديالو غليض و وجهو عامر حبوب و لكن شعرو رطب و هابط ليه على جبهتو و داير نظرات طبية مدورة على عويناتو و باين من وجهو حزين بزااااف ملاميحو كئيبة كأنه هاز هموم دنيا فوق كتافو رغم صغر سن ديالو ....
بغا يجمع الدفتر ديالو باش يخرج من القسم كيفو كيف صحابو حتى حس بشي واحد وقف ليه على راسو؛ هز راسو فيه لقاه زميل من التلاميد اللي تايقراو معاه فالقسم و ناداه بسميتو
~: "جبل الإبراهيمي "
فرح جبل حيت و أخيرا شي واحد بغا يتكلم معاه حيت هو ما عمرو كانو عندو أصدقاء من نهار عقل على راسو و هو بوحدو حتى واحد ما تايبغي يهضر معاه بالعكس من ديما كانو يتنمرو على شكلو و ينعتوه بالغليض ولا بالعور و لا بوجه البغريرة و يبقاو يضحكو عليه من ديما وحيد و معزول ....
وقف جبل من مكانو و مد يدو لزميل اللي وقف عليه اللي كان زعر و عينيه ملونين . و قال بصوت بريئ و عينو كيلمعو بالفرحة و اخيرا جا شي واحد كيهضر معاه...
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
