⛰️⛰️جبل نورسين🌕🌕
الجزء 511:
نورسين اتاسعو عينيها بدهشة من كلام جبل نقلات نظراتها للعلبة الحمراء المربعة شكل الموجودة أمامها و رجعات شافت فيه و قالت بتلعثم ...
نورسين: الخ..الخاتم ياك ؟؟
جبل وضع يدو بجوج تحت دقنو و شابكهم مع بعض هز كتافو و قال بهدوء ...
جبل: حلي و تعرفي
نورسين هزات البواط الموجودة أمامها بالحلة باش حلاتها فغرات فاهها بدهشة و عضات على شنايفها بصدمة ما مصدقاش شنو كتشوف أمام عينيها و كلام جبل كيتكرر بداخل ودنها الشيئ اللي خلا نبضات قلبها يتسارعو فاش استوعبات بلي هي ملكو حقا الخاتم هو دليل اللي غايكون أمام ناس بلي هي مزوجة من أرقى و أحن شخص شافتو فحياتها هي حقا ممتنة حيت ربي كتب ليها جبل الابراهيمي راجل بكل ما تحمله الكلمة من معنى رغم أن زواجهم مزيف الا و انه عمرو حسسها بلي هي مجرد شخص ساكن معاه بل متحمل مسؤوليتها و حنين فيها أكثر من واليديها عطوف رحيم عمرو ما خسر ليها الخاطر و منحها حياة عمرها حتى تخايلاتها و اللي كيزيد يخليها تعشقو اهتمامو بهاد التفاصيل حتى من الخاتم فكر فيه و جابو لبين يديها صرطات ريقها بصعوبة تغرغرو عينيها بدموع هزات أصابعها مرراتهم عل الخاتم الألماسي شكلو بسيط و لكن راقي و قيمتو كبيرة فعينيها ما فيقها من شرودها غير جبل اللي قال بابتسامة ....
جبل: هاد الخاتم ما نبغيش نشوفو فبلاصة أخرى من غير يدك
خدا العلبة من بين يديها و نورسين متبعاه بعويناتها المليئين بدموع الفرحة حيدو من البواطة و مسك يدها اليسرى و وضع الخاتم فإصبعها البنصر ببطئ حتى شد بلاصتو فيدها و قال بابتسامة موجه عينو الامعة بالحب و العشق اللي هازو لهاد الانسانة الجالسة أمامو ...
جبل: باش كلشي يعرفك مزوجة اللي قلل عليك الأدب فالمعهد و لا جرحك غير بكلمة صغيرة نبغيك تجي تقوليها ليا ما تخليهاش فقلبك و ما تخبي عليا والو
مسك يديها و طبطب عليها و كمل كلامو ...
جبل: كنترجاك أ نورسين نتي امانة فرقبتي و ربي وصانا على الامانة ما نبغي حتى حاجة تقيسك
يا كانت صغيرة و لا كبيرة تفاهمنا
نورسين حركات راسها بالايجاب و هزات يدها كتمسح دموعها فحين جبل ابتاسم و حط يدو على خدها ...
جبل: رجعنا لبكا عاوتاني دموعك قراب حتى لهاد الدرجة ابنتي همم
نورسين ابتاسمت بخفة و جاوباتو بهدوء ...
نورسين: شكرا بزاف كن ما كنتيش فحياتي كن ما عرفت شنو وقع ليا
جبل مرر صبعو الابهام على خدها برفق و جاوبها بلين ...
جبل: و لو ما نكونش فحياتك نتي قوية و قادرة توقفي على رجليك بيا و لا بلا بيا
نورسين: فضلك عليا كبير ما عرفتش كيفاش نرجع ليك هاد الخير
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
