⛰️⛰️جبل نورسين 🌕🌕
الفصل 2: هوسي أنت يا حبيبتي
الجزء 65 :
نورسين عوجات فمها و نطقات ....
نورسين: مااااا كاينش شي مطنݣ بحالك انا قصدت ليك زعما علاش دايرين هادشي كااامل لسلمى
ربيع: دايرين هادشي بااااش يديرلها شي مفاجاة ما نعرفت ليهم المهم طلعي دابا راه الفوق طالقة حلوقاتها و اللي لقاتها كتطيحها كتصرف كيف شي حمقة هاربة من طرونط سيس زعما كن يدير برأيي يعقوب و يساعفني يديها لبويا عمر احسن ما عندو ما يݣجدر بيها
نورسين : زيد قدامي نشوفو هاد الحريرة فين غاتوصلنا
طلعوا فدروج حتى وصلو لبيت ديال سلمى و فجأة سمعو صوت تهراس جاي من بيتها بغات نورسين تحل الباب و لكن غير سمعات شنو كاين شدات فقلبها و نطقات ...
نورسين : أرسول الله اويلي اش هادشي
ربيع : اودي نتي عاد جيتي و تخلعتي انا الي كنت معاها فاش تلقات الخبر شدااتني ريشااااتني و عطاتني طرحة د العصا بنت الهم بغيتلها ضربة
نورسين :عرفتي شنو حل نتا الباب انا ما نقدرش نحلو يدي كضرني
ربيع : هههه شنااااااهو شنااااااهو حلي نتي اختي انا اختي خفت نحل تشير على مي بشي قرعة د العطر تصيفطني كومة و انا مزال حتى ما تزوجت
نورسين : وا معدرك قلتي خاصها بويااا عمر
ربيع : هادي راه خاصها تربط بسناسل و شووووف تشوووف وا طلعات واحد المجنونة منها ما كاين انا كن يسعفني داك يعقوب يديرها د بصح و يهرب ليها و يخليها
نورسين : والله حتى خااايفة نحل
ربيع : هانتي قراي الفاتحة و اية الكرسي و شهدي و قولي بسم الله و دخلي برجليك ليمن
نورسين: وعلاش ما ديرش نتا هادشي و دخل
ربيع : وانا كليت حقي د العصا الا جات شي ضربة فيك انا ماسوقيش ودابا غير توكلي على الله ياك كتقولي نتي قوية و ما نعرفت اش وا تشجعي و ورينا القوة ديالك دابا
حطات نورسين يديها على البواني د الباب و غمضات عينيها و حلات الباب و هي تلمح سلمى جالسة فالارض و حاطة راسها على ركابيها كتبكي و تشهق نورسين شهقات فاش شافت المنظر اللي هي فيها بقااات فيها بزاف واخا عارفة بلي هادشي غير ضحك حالتها تشفي العدا قربات نورسين لودن ربيع و همسات
نورسين :حرااام عليكم بالله شوف كي دايرة حالتها هادا اللعب دالبناية
ربيع : انا براسي غير مقدم كلشي من تحت راس داك الجن د يعقوب و العفريت د جبل
نورسين قربات حتى وصلات عند سلمى و نطقات بخوف ....
نورسين : سلمى حبيبتي
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
