⛰️⛰️جبل نورسين🌕🌕
الجزء 482:
🍁🍂🍁
بينما نورسين كانت مستلقية على سريرها الناعم و الدافئ متعبة بسفر و لكن النوم جفاها ما بغاش يزور جفونها و كأنه ناقصاها شي حاجة دماغها و قلبها كيفكر غير فيه ما بقاتش كتشبع منو و من كلامو و من حنانو رجع شي حاجة أساسية فحياتها و خاصها تشوفو كل نهار كل ساعة كل دقيقة بل كل ثانية بقات ساكتة كتشوف فالسقف حتى بدا شيطان يوسوس ليها من جديد ....
نورسين: كيفاش جبل جا حطني و زاد خلفة مع الطريق فين غادي يكون مشا زعما أجي ياجي ياجي ...
جلسات نورسين فوق السرير و حطات يديها على ذقنها و نطقات ...
نورسين: ياكما يكون جبل زهواني وعندو علاقات مع بنات آخرين و انا جالسة فدار غفلون كيصحاب ليا كيهضر غير مع كاميليا
ضربات على فمها و كملات كلامها ...
نورسين : أ لاا أشمن زهواني سيد ملتزم و حافظ كتاب الله و دابا مزوجني ما يمكنش يدير شي كعية بحال هادي لا جبل امبوستحيل يديرها إنسان محتارم و لكن علاش ياك هو زوين و لباس عليه و مهيب و أي بنت تبغي ترتابط بيه
تزدحات على ناموسية طالقة يديها بجوج و موجهة عويناتها لسقف و كملات كلامها ...
نورسين : و لكن جبل بحال شي ملاك حنين بزاف ما يفكرش يآديني و ما يفكرش يخوني حتى بالضحك أنا اللي خاصني نكون لالة مولاتي و نسيه فالبنات اللي كيقيلو ضايرين بيه خلاتها سلمى
ناضت نورسين من فوق سرير و اتاجهت لنافدة جرات ريدو و ما جات عينيها غير على حديقة الفيلا اللي كتحتوي على مسبح كبير اتاسعو عينيها بدهشة و فلتات من ثغرها ابتسامة عريضة منين شافت لابيسين عندو فالفيلا و لكن سرعان ما رجعات ريدو و جلسات مجددا فوق سرير زيرات عليه و نطقات بعصبية ...
نورسين: راجلي أعباد الله ما عارفاه أشمن طريق شد
هزات مخدة صغيرة عندها فوق سرير عضات عليها كتحاول تبرد فقايصها فيها و نطقات بجنون ...
نورسين: علاش ما سولتوش علاااش غايقتلني الوسواس تفو غانحماق
هزات تيليفونها من فوق طابل دو نوي تلف بيه الوقت لعل و عسى تنسى جبل و لكن ما كتعرفش ليه رجعات طفاتو و تكات مجددا فوق سرير حتى طاحت فبالها سلمى و قالت ...
نورسين: تفو قنطت حتى من سلمى الكيدارة مشات لتركيا و خلاتني بوحدي دابا أنا لمن نشكي همي مشات تشوف تيتيز و مخلياني مع المروك
ضورات كسدتها لجهة الأخرى عنقات المخدة و نطقات ..
نورسين: ولكن معايا جبيلو اححح عليه حب قلبي بولحية ديالي امم دابا الا بغيت ندلعوا بيني و بين راسي شنو نقولو جوجو لا لاا اشمن جوجو نورسين حضري عقلك مالو قط امم بلاتي نشوف اوووف هاد الزمر حتى هو سميتو مشعككة بحالو كيف غادي ندلع حبيبي و زوجي العزيز بلاتي نقولو روحي احح هو أصلن روحي
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
