🌕🌕جبل نورسين ⛰️⛰️
الجزء 340 :
🍁🍁🍁
عنق عبد المالك نورسين جنب و زاد بيها حتى رجعو للفيلا فرحان و مسرور بزااف حيت نورسين موافقة تزوج بجبل واخا ظروف اللي كتمر منها و لكن قبلات و هدا إنجاز عظيم هوما عارفين جبل تايتسطى عليها و حتى هوما بغاو غير فوقاش يجمعوهم تحت سقف واحد و من تم لهيه يضبرو راسهم يعترف ليها ما يعتارفش ليها داكشي كايبقى إختيارهم ...
عبد المالك طلق من نورسين و ابتاسم ليها بحب ...
عبد المالك: خاصنا نوجدو تحضيرات الخطوبة
نورسين ابتاسمت بخجل و حنات راسها فحين عبد المالك مرر يدو على شعرها و قال ...
عبد المالك: خاص نقول لسلمى و ياسمين يخرجو يتقاضاو ليك كاع داكشي اللي خاصك
قاطع حوارهم سلمى اللي كانت هابطة فالدروج شافتهم و اتاجهت نحوهم بسرعة و نطقات ...
سلمى : سمعت شي خطوبة ما خطوبة ياك لابس ياكما أ الحاج بغيتي تجيب ضرة على ياسمينتنا
عبد المالك تلفت عند سلمى و بابتسامة جاوبها ...
عبد المالك: كايمشي يعقوب كاتجي نتي ما كتسالاوش
سلمى : والو أ الحاج مسڭيين من مغرفة وحدة
عبد المالك: الطيور على اشكالها تقع الله يخليكم لبعضياتكم و نشوف وليداتكم حتى نتوما
سلمى : اللهم أمين أ الحاج اوا شفتك بغيتي تلف ليا الهضرة اشمن خطوبة سايريين تدويو فيها همم ؟؟
عبد المالك: الخطوبة ديال لالا نورسين بسي جبل الابراهيمي ولدي
سلمى شافت فنورسين و غمزاتها و قالت ...
سلمى : هانا تاني على لالا نورسين غاتخطب بسي جبل الابراهيمي هادشي زاهي
عبد المالك : خلي الموضوع سر باش ما ضربهاش العين
سلمى : غير تهنى أ الحاج نورسين ما كتشدش فيها العبن كي صفيحة الحمار
نورسين : ياك أ سلمى الله يخلف عليك
سلمى وقفات جنبها و مدات يديها على كتفها ...
سلمى : و غير كنضحك معاك ا زيونات ديالي هاي هاي على المشعككة حتى هي كبرات و غاتخطب
عبد المالك : ههه لالا تبارك الله رجعات زوينة نتي هي المشعككة
سلمى : دغيا بديتي دافع عليها خلينا نشدو فيها شوية
عبد المالك: اوا شنو يصحاب ليك نورسين بنتنا و غاتولي مراة ولدنا علاش ما ندافعش عليها نورسين ما رخيصاش علينا غالية عندنا نحطوها فوق راسنا
نورسين : ربي يخليك أ الحاج لهلا يخطيكم عليا
سلمى : كيف جاك لوك ديالها الجديد أ الحاج نقطها من 1 ل 10
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
