⛰️⛰️جبل نورسين 🌕🌕
الفصل 2: هوسي أنت يا حبيبتي
الجزء 45 :
🍂🍁🍂
الحب شي حاجة زوينة فالحياة كايمنح الشخص كل المشاعر الرائعة التي تبث الحياة في عروقه. الحياة كا تصبح ملونة بكل الألوان الزاهية وكل شيء كايبان مشرق. على الأقل حتى تفشل العلاقة حينها يصبح كل شيء قاتماً بشعاً ومؤلماً... الأمر ما كا يتعلقش فقط بمشاعر مجروحة أو بشخص ترك فراغ كبير بل هناك الكثير من العوامل البيولوجية اللي كتسبب بهذا الألم.
الحب بشكل عام هو إدمان نفسي وبيولوجي في الوقت عينه. من الناحية النفسية كانعتامدو عليها بشكل كبير من أجل سعادة شخصية في المقابل هناك الإدمان البيولوجي، فالعلماء وجدوا أن الانفصال او الفراق كا يحفز المناطق المسؤولة عن الإدمان في الدماغ. بمعنى أنه فاش كايكون الشخص في حالة من الحب فإن الدماغ كايفرز هرمونات السعادة وغيرها من الهرمونات اللي كاتمنحنا الشعور بالرضا من مركز المكافأة في الدماغ. ولكن حين ننفصل عن الآخر فإنه من الطبيعي نحسو بالعكس عدم السعادة وعدم الراحة والألم لدرجة أن العلماء وجدوا أن تأثير الحب على الدماغ مشابه لتأثير الكوكايين ...
و هادشي اللي وقع لنورسين اللي كانت سايقة طوموبيل ديالها بنظرات دابلة و روح منكسرة و قلب منفطر رغم انها مسرحها شعرها بشكل رائع و عامل ماكياج محترف لوجهها الا ان الحياة منعدمة فملامحها و كأنها فقط كتحاول تبقى صامدة و هي غير تسوط عليها طيح تأثير جبل على قلبها كالمخدر اللي اصبحت مدمنة عليه و انقطعت عليه لفترة و رجع لحياتها من جديد الشيئ اللي خلاها تشعر بالجنون 💔 رغم انها باغا تبعد منو و لكن ما تقدرش مخالط ليها مع الدم و العروق بل هو نبض القلب و وقود الحياة بالنسبة ليها ....
حبسات الطوموبيل أمام الفيلا ديالو اللي عارفاها و حافظاها عن ضهر قلب ، نزلات بتثاقل وصلات لباب لقات جوج ديال الحراس واقفين وراتهم بطاقة دعوة عاد سمحو ليها بالدخول ....
بمجرد ما حطات رجليها بداخل و اتاجهت للحديقة اللي لمحات فيها ناس بزاف ما كتعرفهمش واضح أنهم أصدقاءو المقربين و زملاءو فالعمل ....
صرطات ريقها بصعوبة و مع كل خطوة كاتخطيها كاتحس بدقات قلبها كايرتافعو و راسها كايثقال عليها و كأنها غاطيح فالارض و لكن كتحاول تقوي راسها ما امكن ...
حتى وصلات للحديقة و هنا كانت الصدمة قوية على قلبها فاش لمحات جوري بفستان أبيض و جالس حداها جبل بكامل اناقتو و سلمى و يعقوب جالسين حداهم ضايرين على الطاولة و جوج رجال هازين كتاب بين يديهم و واضح أنهم العدلان فغرات فاهها بصدمة فاش عرفات بلي اليوم ماشي هو يوم خطوبة بل هو عقد قران جبل مع جوري على سنة الله و رسوله .....
⛰️⛰️جبل نورسين 🌕🌕
الفصل 2: هوسي أنت يا حبيبتي
الجزء 46 :
المنظر اللي كتشوف أمامها الآن كان بمثابة ضربة قاضية لقلبها و كأن جبل حضر ليها حبل المشنقة بيديه و قتلها و هي بالحياة روحها كتصرخ اما قلبها الله يرحمو دمرها دمار شامل بفعلتو و لكن خدات من الحياة ما يكفي من ضربات الموجعة لدرجة انها توقعات منو أي حاجة حاولت تقوي نفسها و تهز راسها عاليا و تمثل الثقة و انها غير مبالية رغم أنها كتحرق من لداخل ....
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
