يعقوب غلباتو الضحكة كيعجبو ينشط عليه ...
جبل : نوض سير شوف شي شغل ينفعك و خليني عليك
رجع جبل بالكسدة ديالو للوراء و شد فراسو كيحس بيه كيزدح ...
يعقوب : وا صافي أبا جبل راك غير كاتحرق دمك بالله
جبل : [بتعب ] يعقوب تلاح خليني عليك و الله حتا عيااان
يعقوب كيبقى فيه صاحبو ديما مهموم من ديما يعقوب كيحاول يخفف عليه حيت هو اللي عارف بلي مرض جبل دواه الوحيد هو نورسين و ما يستاهلش هاد العداب اللي كيعيش فيه 💔....
يعقوب : مالك أصاحبي مهموم نسى عليك شوية و عيش الحياة
جبل شاف فيه و نطق بلا مايشعر
جبل : واش كاين شي حد كيعيش الحياة و هو أصلن ميت
يعقوب: ماشي حتى لهاد الدرجة أجبل
جبل: نتا ما غاتفهمنيش و ما عمرك غاتفهمني و ما كاينش اللي غايفهمني حيت ما كيحس بالمزود غير اللي مخبوط بيه الحب من طرف واحد صعيب بزااف كنحس بيه كيخنقني الكسدة كاينة ولكن روح معاها هي فاش كنشوفها عاد كنحس براسي عايش دونك بلا ما تقولي عيش الحياة و نورسين ما معاياش فيها راه ماشي بيدي واش كاين شي حد غايبغي لراسو العداب
يعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق
جبل: و راني حمق واش كانبان ليك بعقلي نورسين فين خلات ليا شي عقل
بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ...
جبل : صعيبة نبغي نستنشق ريحتها وما نلقاهاش نبغي نعنقها وما نلقاهاش نبغي غير نشوفها وما نشوفهاش بغيت غير نسمع صوتها وسط ودني تصور تمنيت غير نشوفها حدايا فكل ثانية ما كنطلبش بزاف [ ضرب على صدرو جيهة قلبو بحرقة ] عشرين عام اصاحبي عرفتي شنو هي عشرين عام راه ما يجمعها غير الفم عشرين عام وانا عايش فالعذاب حمدت الله حيت لقيتها لحد الآن ما فهمتش واش هدا ابتلاء من عند الله حيت العذاب اللي عايشو مايقدرش الواحد يتحملو و الله ما يقدر الواحد يتحملو حالتي بحال شي واحد كيطلع لشي جبل عااالي وكيتلاح و كيتقصح ديال بصح وهادشي كيتعاود عليه فنهار مية الف مرة حق رب الا العداب الاليم واخا نكون يهودي هدا جهد
يعقوب بقا كايشوف فيه ما كيعرف شي بعض المرات باش يواسيها حيت كيحس بكلامو طااالع من القلب و واااصلة بيه للعظم كيبقى فيه ..
يعقوب : دابا يجي واحد النهار تولي ديالك اخويا
جبل حنى راسو ما بغاش يشوف فيعقوب حيت حس بغيمة دموع تشكلات على عينو معقول انسان يبغي شي واحد حتى لهاد درجة؟؟
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
