⛰️⛰️جبل نورسين 🌕🌕
الفصل 2: هوسي أنت يا حبيبتي
الجزء 153 :
نورسين هزات حجبانها كأنها كتغيظو فحين جبل مسك يديها بين يديه و قربها لثغرو قبلها بحنان و قال ...
جبل : الا كان كيدير لك شي حاجة نزل دابا نعصيه
نورسين : ربيعة ما عندها مادير ههه باركة عليه مسكين شوف كي ولا صفر كولو كيترعد
ربيع جاوبها بخوف ....
ربيع : بسيف مانترعد و تبارك الله سي جبل طول و العرض و الارتفاع يدخل فيا غير براسو نسا سميتي
فاطمة : ياااو قول تبارك الله لا تمشي تقوس ليا على نسيبي و ضربو بالعين بنتي اللي دات و عرفات اش دات الله يتاويهم لخير كنقولها يا وليدي فوجهك و فغيبتك الله يعمرها سلعة نقرة صافية مشاء الله عليك
جبل ابتاسم و قال مجاوبها ....
جبل : لهلا يخطيك أ الحاجة
فاطمة سكتات لعدة ثواني و قالت موجهة نظراتها لربيع ...
فاطمة: ياو تبارك الله هاد طوموبيل ركبة فيها غزااالة يااو عالية كتحسي براسك طالعة فالعمارية
ربيع : اش بانلك نجيبوا دقايقية و نديرولك البرزة
فاطمة : ياو مالي راني مازال صغيرة حتى انا ما نستاهلش
جبل كيسمع لكلامهم و كيشوف فنورسين مرة مرة و الابتسامة ما فارقاتش وجهو شنو غايتمنى أكثر من هاد الجو العائلي اللي من زمان و هو كيتمنى يعيش فيه طال الصمت فالطوموبيل حتى نطق جبل ...
جبل : الحاجة
فاطمة : نعام اوليدي بغيتي شي حاجة
جبل : عقلتي على ليلى اللي كانت ساكنة تحت منكم فداركم القديمة
نورسين شافت فجبل و خنزرات فيه و قالت باستغراب
نورسين : شكوون هاد ليلى عاود ؟؟؟
فاطمة بقات ساكتة مدة و تغرغروا عينيها بدموع تنهدات و فالأخير نطقات ....
فاطمة : اييه اوليدي هاديك سيدة كانت بحال ختي ربي بغاه الله يرحمها كانت كتحماااااق على نورسين واحد نهار باقا كنعقل طلبات ليا تصويرتها ياو امراة طيبة الله يرحمها كانت مربية واحد الولد عند واحد ناس كان عزيز عليها كانت ديما تعاودلي عليه كان باه مدوز عليه الحراااير حتى كره الولد فعيشتو واحد نهار كنا فجردة باقا نعقل بحال عاد البارح كان بيطيز و شعر هابطلو على عويناتو ياو كان شهوة منو نسيت على سميتو صورتو ما بغاتش تحيدلي من عيني ...
سهات فالزاجة ديال طوموبيل و قالت موجهة كلامها لنورسين ....
فاطمة: نورسين راه فايتلك لعبتي معاه ما عقلتيش عليه ياو كنتي صغيرة محال واش تعقلي
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
