جبل نورسين 🇲🇦 (مكتملة )

الجزء 16

🌕 الفصل 1: جبل نورسين ⛰️

الجزء 85:

سمم سعيد جبل بهاد الكلمات و انصارف و طلع لبيتو بينما بقا جبل واقف جامد مكانو و بزاف ديال دموع باغيين ينزلو من عينو و لكن نشفو بقوة ما خدمهم و ما بكا بيهم فهاد الحياة ؛ مخزون دموع نفد بقا فقط الجمود قلبو كيتقطع، بزاااف ديال صراخ ما كرهوش يخرج و لكن لسانو مربوط روحو تعبانة شي بعض المرات تيتساءل علاش هو جا لهاد دنيا منين غايتعدب فيها ما عندو حتى أمل يعيش على قبلو ....

ما حس غير بليلى واقفة عليه و كتشوف فيه بحزن حطات يديها على خدو و قالت بصوت منكسر ...

ليلى: سمحليا

جبل بقا كيشوف فيها مدة و عاد جاوبها هو الآخر ..

جبل: نتي ما درتي ليا والو أ طاتي

ليلى ضماتو لعندها كيجيها فطول عند كرشها مررات يديها على شعرو ..

ليلى: انا ما قدرتش نحميك من باك و من شحال من حاجة عفاك سمحليا

جبل: [ بشهة د البكا ] ما عرفتش علاش بابا كيدير ليا هاكا

ليلى: حيت باباك مريض فدماغو خاصك تعدرو

جبل بعد على ليلى و قال موجه نظراتو ليها ...

جبل: ماما ماتت و بابا مريض و حتى واحد ما تايبغيني واش حيت ربي غاضب عليا ياك انا تانقرا و تنصوم و تنصلي باش ربي يبغيني و لكن علاش عاطيني حياة هاكا

ليلى تنهدات و جلسات على ركابيها باش تجي قدو فالطول و حطات يديها على شعرو ...

ليلى: سمعني أ حبيبي شحال ما زاد الابتلاء ديالك فهاد الدنيا كلما ربي كان كيبغيك انا عارفة بلي قاصحة على ولد بحالك يتحمل و لكن ربي غايعطيك صبر و ربي غايوقف معاك خليك ديما قوي ماماك فاش سماتك جبل كانت باغاك تبقى قوي صامد و راسك عالي الفوق كيفو ما تخليش مشاكل بحال هادو دخليك شك فمحبة الله ليك بالعكس خاصنا نتعلمو نشوفو الحاجة زوينة فحياتنا بحال ربي عاطيك صحتك عاطيك باباك معاك واخا ما كيتعاملش معاك مزيان كاين اللي ما عندوش و عاطيك هاد العائلة ميسورة و عندك اللي بغيتي و من فوق هادشي كامل معاك أنا و غير انا كافياك اولا ؟؟؟

ابتاسمت ليه و مدات يديها كأنها باغا تعنقو و هو فالبلاصة طاح عليها معنقها ؛ ليلى هي الانسانة اللي كيحماق عليها فهاد الحياة كيف شي شمعة مضوية العتمة ديالو خايف شي نهار تغيب عليه حيت هي اللي مصبراه و كيعتابرها ماماه و المعلمة ديالو من ديما كتعطيه نصائح و كتعلمو شحال من حاجة زوينة باش يكون راجل صالح فالمستقبل خاصة ان جبل طفل مؤدب و ضريف و حنين من عند الله و بنصائحها كاتزيد تعلمو باش يكون شخصية مثالية واخا الكمال لله وحده و لكن على الاقل غاتطلعو كايحترم النساء و كايعرف بقيمة المرأة و أسس دين و القيم العالية و الأدب و الصواب ❤ ....