⛰️⛰️جبل نورسين 🌕🌕
الفصل 2: هوسي أنت يا حبيبتي
الجزء 177 :
نورسین طلعاتها و هبطاتها غمضات عينيها و جمعات يديها على شكل لكمة ما كتحملش اللي يستفزها خصوصا هاد السيدة ما عندهااش معاها دم سنانها فتحات عينيها و شافت فيها بنظرة مستفزة أكثر منها كطلع فيها و تهبط و قربات لحدا و دنیها و قالت....
نورسين : هانتي قلتيها جيت نشوف باااا الواليد ما جيتش نشوف كمارة شيخااات ناقصك غير الغرامة
دفعتها من طريق و قالت بهدوء....
نورسين: حیدي و نتي سادة علينا الهوا الشكوى
الله
خديجة عقدات غوباشاتها و طلعات حاجب و هبطات لاخور ووقفات ليها فالباب ما نعة عليها الطريق ....
خديجة : نتي راك ناقصة تربية
نورسين ابتاسمت باستهزاء و جاوباتها باستفزاز ...
نورسين : أنا مربية مع اللي مربي اما اللي ناقص تربية معاملتو بوحدها
خديجة : ضسرتي ابنت فاطمة داكشي ما تعلمتي من مك غیر تفرعین و تخراج العينين
نورسین : مي أحسن من شيخة اللي حطاتك و حيدي من طريق قبل ما نريشك ما فيا اللي يداابز قلبي ستة تسعود
خديجة : لا أجي ضربيني احسن
نورسين : ما كرهتش و لكن ما فيا اللي يوسخ يدي عاد غسلتهم حيت راك عارفة اللي كيقيس الكلاب خاصو يغسل يدو بتراب باش أبحرا تولي يدو نقية
خديجة كتجنن عليها بغات تجرها من شعرها تریشها و لكن غير تفکرات راجلها شكون و هي ترجع اللور و بدات كترعد غير و راسها فالاخير استسلمت خديجة و حيدات ليها من طريق ....
نورسين : ديريها من صباح أمراة بااا
دخلات للدار و سدات خديجة الباب بينما نورسين بقات ساهية کتشوف فالدار اللي كبرات فيها كيف ولات خديجة بدلات ليها الديكور ، التافتت نورسين عند خديجة و نطقات بغير نفس ....
نورسين : فين هو الواليد؟؟؟
خديجة : راه لداخل فبيتو
دخلات نورسين لعندو لمحاتو متكي رجع شارف على قبل و باينة فيه عيااان و تحت عينيه كحل و مغطي بواحد الملاية و متكي فوق ناموسیتو شافها و ابتاسم ليها فحين نورسين بمجرد ما وقعو نظراتها عليه تغرغرو مقلتيها بدموع ما قدراتش تشوف باباها فهاد الحالة دخلات عندو بخطوات بطيئة و جلسات حداه فحين هو طلق ليها دراعو بحال كيقولها اجي تكاي حدايا نورسين ابتسامتلو فوسط دموعها فهماتو حيدات صباطها و طلعات تخشات فيه و عنقها لعندو و دموع غير ما کیزیدو يهبطو من عينيها الحنان اللي ما عمرها ما حسات بيه هاهي دابا كتحس بيه أجمل إحساس هي منين کتقرب من باباك لهاد درجة و خصوصا الا كان شي اب قاصح بحال الاب ديالها كتحس بشي حاجة فشكل بداخلها أحاسيس دخيلة على قلبها ... حطات راسها على صدرو و مزيرة عليه و کتبكي و تشهق حتى الكلام باش غتعبر ما لقاتوش باباها هز يدو بتثاقل و بدا کیمسح على شعرها غير بشوية و بحنان و قال بتلعثم مع دمعة انسابت على خدو ...
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
