جبل نورسين 🇲🇦 (مكتملة )

الجزء 105

⛰️⛰️جبل نورسين 🌕🌕
الفصل 2: هوسي أنت يا حبيبتي
الجزء 198 :

🔙🔙🔙🔙 فلاش باك

قبل دقائق قليلة انور كان جاالس فواحد البار كيسكر و صورتها كاتجيه بين عينيه شكون من غيرها نورسين كيحس براسو خاصو يشوفها خاصو يعتارف ليها بحبو شحال وهو صابر عيا ما يكون مجرد صديق ليها لا بغا ما اكثر بغا يلمسها بغا يعنقها بغا يشم ريحتها بغا يبوسها بدا كيتشهاها و مع سيد غااالبة عليه السكرة كملات عليه هز تيلفونو كيشوف تصاورها اللي كاينين فالانستغرام بانتلو مدة ما لاحت حتى شي طوف ضرو قلبو بغا يعرف أخبارها والو مالقا حتى لعبة لاح تيليفون فوق الطبلة و كمل سكرة ديالو شوية سمع تيليفونو زنزن هزو لقاها حاطة ستوري مصورة فيه حدا قاعة الافراح غمض عينو و عض على شفايفو و بدا كيتخايلها فدماغو حس براسو خاصو يشوفها خاصو يهدر معاها ناض من فوق الفوتوي و مشا خلص وورا ديك تصويرة للبارمان اللي كاين تماك و صوتو مبحبح بقوة السكرة ...

انور: فين جات هاد القاعة ؟؟

- قريبة من هنا بزااف هاد القاعة كاينة فالشارع اللي من مور هاد البار

انور حطلو الفلوس بزايد فوق الكونطوار و خرج و هز تيليفونو صيفطلها ميساج فالانستغرام 《انا قريب ليك غادي نجي عندك بغيت نهدر معاك انورسين 》 طلع لطوموبيلتو و بقا غادي و كيسول على البلاصة حتى لقاها

🔚🔚🔚🔚🔚🔚رجوع

فحين نورسين حسات بجبل تعطل و بدات كتخلع هبطات على واحد الكاس ديال الما و نشات بيديها على وجهها جاها صهد شعرات بقلبها تزير عليها و ما قدراش تنفس و كأن صدرها محطوطة عليه حجرة لذلك قالت موجهة كلامها لفاطمة ...

نورسين : ماما غادي نخرج نشم الهوا و نشوف جبل واش جاي راه تعطل بزاااف

فاطمة : سير ابنيتي

خرجات نورسين من القاعة و داك طالون ديالها كيقرقب انور قشعها فاش كانت خارجة هبط الكاسكيط على وجهو حتى دازت و ابتاسم بشر بقا حاضيها بانت ليه وقفات حدا الباب و عينو كيشوفو فمعاالمها الانثوية حط يدو على صدرو و عض على شنايفو بانلو ما كاين حد برا وكولشي ملهي لداخل كيشطح ناض وحط داك الكاسكيط من فوق الكرسي فين كان جالس ...

تقدم بخطوات ثابتة حتى وصل لعندها وقف من مور ضهرها و من سوء الحظ نورسين بغات تدور وهو يعنقها من الخلف واضع يدو على بطنها و راسو من فوق كتفها زير عليها كأنه خايفها تهرب و مغمض عينيه مستمتع باللحظة فحين نورسين ابتاسمت و هزات يديها كدوزها على وجهو قاست فلحية ما دات ما جابت يصحابلها جبل و قالت بحب ...

نورسين : من قبيلة و انا كنساينك اصاحبي شحال من مرة كنقولك ما تبقاش تقلق مني أجب...

ماجات فين تكملها حتى لمحات جبل نازل من طوموبيلتو وازن تسعين واضح أنه شاف الفيلم كامل فحين نورسين اتاسعو عينيها بصدمة فاش لمحاتو بعيد عليها بشارع و بسرعة بعدات على شخص اللي معنقها بدورة باش ضارت بقات غير مشوكية و مصدومة ما فكراتش جوج مرات هزات يديها حتى لسما و نزلات بيها على حنك انور حتى دار لضفة الأخرى ...