جبل نورسين 🇲🇦 (مكتملة )

الجزء 10

جبد جبل التيليفون ديالو و شغل واحد الابليكاسيون اللي مرتابطة بالكاميرا اللي دارها فالبيت ديال نورسين بقا يساينها تخدم و مشا يجيب كافي باش يتنغم بيها و يتواكض مشا للكوزينة صوب قهيوة على خاطرو و غايطير بالفرحة لما لا و هو غايشوف بنت قلبو كيفما مسميها ❤ ...

دار القهوة فطاس كحل كبير و هزو و اتاجه للبيت  و برونشا التيليفون مع بلازما كبيرة عندو فالبيت باش تبان ليه بوضوح تكا من فوق سرير و رشف من القهوة و بقا كيخربق فالتلفازة بتيليكوموند  حتى بانت ليه صورة ديال البيت ديال نورسين خسر ملامح وجهو فاش شاف البيت فين كتنعس كان بيت بسيط متكون من جوج سدادر و طبلة فالوسط جاه ما كيلقيش بمقام حبيبة القلب .

جبل : كنت عارف بلي ما كيتهلاوش فيك أ حبيبة قريب نجيبك لبلاصة اللي كتستاحقي تعيشي فيها 

رشف من القهوة و كيتسناها تدخل للبيت حيت كيبان خاوي ما فيه حد ..

جبل: فينك أ بنتي دخلي راه صبر تقادا

جهد شي دقيقة و هو كيساينها تدخل تعصب  رشف من القهوة  و هو يبان ليه الباب تحل  بانت ليه هي داخلة و لكن الصدمة كانت على قلبو قوية و قوية بزاف منين شافها طالقة شعرها الفازك و ملوية عليها فوطة قصيرة حد الفخيضات فالبيض  بقاو عينيه مفيكسيين فالتلفازة و قلبو كينبض كيحس بيه غايسكت الحرارة طلعات ليه فهاد اللحظة الله يا ربي الله واش هو ناقص عذاب باش يشوفها بهاد الشكل اللي زاد ثار الرغبة ديالو فيها و هيج غريزتو كأي راجل بانت ليه غاتحيد الفوطة و هو يطفي التلفازة فالبلاصة ...

جلس من فوق السرير و كيحاول يرد النفس فيه حيت فغيمون كيحس بروحو غاتزهق ما مصدقش بلي شافها فداك الشكل مرر يدو على وجهو و حط يدو على قلبو اللي كيتسارعو نبضاتو ...

جبل : أستغفر الله العظيم

غمض عينو باش يرتاح و هي تبان ليه بديك الصورة اللي شافها فيها عض على شنايفو بلا ما يشعر و حس براسو ماشي هو هداك السخانة بدات تطلع ليه و ماشي اي سخانة سخانة الخاايبة 🙈   حل عينو و ناض كيطير دخل لحمام و طلق الماء  غسل وجهو مزيان و كيستغفر الله و كيستعيد من الشيطان فنفسو هو غايحماق و دابا كايحس براسو الفيزيبلات تحرقو ليه بمجرد ما شافها بداك الشكل اما كن شافها عريانة كن سيد بدا يضرب بالحجر ...

حيد حوايجو و دخل للدوش بسرعة و كايحس بذاتو كترعد ديك صورة ديالها ما باغاش تحيد من بالو بداو كيجيوه ايحاءات جنسية كأنه كيبقل شنايفها   او كأنه كيلمس الجسم ديالها كيحاول ما امكن باش ما يفكرش فيها بهاد الطريقة باش ما يتخوطرش .. جهد شي ساعة و هو فالدوش حتى حس براسو تكااالما مزيان و حاول يحيد هاد الأفكار ...

خرج لاوي على نصو فوطة فالأسود و مشا شرب  دوا ديال قلبو حيت كيحس بيه غايوقف ... تكا على سرير هاكاك و هز التيليفون ديالو اللي كانت مزال مشغلة فيه ديك الابليكاسيون لقا البيت خاوي مجددا خرج منها و عيط ليعقوب ...