جبل نورسين 🇲🇦 (مكتملة )

الجزء 26

🌕🌕جبل نورسين ⛰️⛰️

الجزء 141:

نورسين حسات بقلبها تسارعو نبضاتو فهاد اللحظة ما عرفاتش علاش حسات بحرارة فجسدها و داتها تشوكات عليها فاش حط نيفو على نيفها و قال داك الكلام بنبرة صوتو حسات براسها كيف شي زبدة كتسيح فوق نار مهيييلة رغم إحساس الخوف منو و لكن كتحس بواحد الامان ماشي طبيعي معاه عينيه كتلمس فيهم صدق كلامو ؛ الشيئ اللي خلاها تحرك راسها بالايجاب و قالت بلا ما تشعر ...

نورسين : كنثيق فيك

جبل ابتاسم و هي بعدات وجهها عليه خيب وجهو فاش بعدات عليه نورمال ما يعجبوش الحال و هو خاصو غير تبقى قريبة ليه كيف شي بيبي صغير ... تمشى بخطوات بطيئة مثقل باش تبقى بين احضانو و قريبة ليه و لقلبو بالخصوص على الاقل يخليه يشبع منها حيت ما بقاش قادر يصبر ؛ حطها فوق من سرير و هي غير كتشوف فيه و إحساس الخلعة قضا عليها كتقول هنا ينقز عليا هنا يغتاصبني غاتحماق فهاد اللحظة ما عرفاتوش علاش جابها لفوق سريرو علاش ناوي و المشكل سكران ماشي فوعيو أي حاجة غا يديرها من حقو هي اللي هاجمة عليه فقلب دارو ماشي هو اللي دق عليها هي اللي جات عندو برجليها ما دار ليها حد جنوي فالعنق ....

نورسين: شنو با..باغي دير أ خويا جبل ياك عرفتيني انا نورسين جارتكم و اللي كتعتابرها ختك ياك عرفتيني

ديك خويا جبل و كتعتابرني ختك ضراتو فخااطرو بزاف واش هو كيموت على تراب رجليها و هي كتقولو خويا كيعيا يحاول يسرطها و لكن ما كايقدرش حااارة على قلبو و صعيب يتقبلها و لكن ضحكاتو بكلامها عرفها  خايفة بزااف و لكن ما بغاش يبان وحش فعينيها هو باغي يحميها من العالم و تلجئ ليه فأصعب حالاتها باغي هو يكون راحتها ماشي يخوفها كره راسو فهاد اللحظة و ما عجبوش الحال حيت شافتو بهاد الحالة وهو سكران و شمات فيه ريحة الشراب ...

قرب ليها يعني حنى براسو  حتى قرب لوجهها بقا بيناتهم بضع سنتيمترات و نورسين فهاد اللحظة زيرات على سرير بيديها بدات تبيض بيضة فالطاس و بيضة فالعش غاتحماق و حتى هو كيلعب ليها على الأعصاب ديالها بقا كيشوف فيها مركز فعينيها و هي كتشوف فيه لكن نظرات تختلف هي كتشوف بعيون خائفة من انه يدير ليها شي حاجة... اما جبل  كيشوف فيها بعيون عاشق هايم فيها بأدق تفاصيلها سمورية وجهها الحبوب الرقيق اللي عندها فجبهتها شكل عينيها نيفها حجم جبهتها حول نظراتو  لشنايفها  هادوك شنايف لي بانو ليه كحبة فاكهة طازجة نادرة و حلوة باغي غير يدوقها و لكن إمتى ؟؟ واش يبوسها بلا موافقتها و بلا رابط شرعي بيناتهم اللي يعطيه الحق يقرب ليها واخا سكران و بامكانو يبوسها و من بعد يتحجج ليها بأنه كان ماشي فوعيو و لكن ما يقدرش يدير شي حاجة بدون موافقتها و بدون رابط شرعي كيبقى إنسان كيعرف حدودو واخا كيتعداها بعض المرات و لكن الهوس مرض و ليس على المريض حرج شي حاجة ماشي بيدو و لكن باش يدير شي حاجة بحال هاكا ما يقدرش ، ما يقدرش ينتاهك حرمة شنايفها و من بعد تبدا تشوف فيه بنظرات إحتقارية و تقدر تكرهو داكشي علاش رجع حول نظراتو لعينيها و قال بنبرة صوتو الثقيلة بمفعول الخمر ...