⛰️⛰️جبل نورسين 🌕🌕
الفصل 2: هوسي أنت يا حبيبتي
الجزء 131 :
مسحات دموع اللي تكونو فجفونها و لفات يديها على عنقو و حركات نيفها على نيفو كيفما كيدير ليها و قالت بدلع انثوي ...
نورسين: هاااااح على المغيااار ديالي نموت فيك انا وفغيرتك شوف عينيك كي ولاو حووومر أ صاحبي أ جبيييييلو ديالي وما تقلقش راسك راك مريض بقلبك
جبل بعد عليها و مرر يدو على لحيتو و كياخد انفاسو بسرعة و يزفرهم لذلك كيبان صدرو كيطلع وينزل بالاعصاب فاي لحظة ينفاجر ....
نورسين: جبيلو أ حبيبي وا حشومة سيد جا عندنا ضيف خاصنا نرحبو بيه و نعطيوه وقتو حشومة تعامل معاه بطريقة خايبة وسع خاطرك ولا نتخاصم معاك
جبل: [بغيرة ] نوسع خاطري مع شفار من نيتك ؟؟؟
نورسين اتاسعت عينيها بصدمة و نطقات ...
نورسين: كيفاش شفار ؟؟؟
جبل: [بعصبية ] ياك هو اللي كان كيشفر الحلوة من الحانوت ديال باه ويجيبلك يااااك باش يتقرب منك ياك هو مال شفار لاخور اش عجبك فيه حتى كنتي تلعبي معاه ؟؟؟
نورسين : ههههههه ونتا باش عرفتيها ؟؟؟؟
جبل : سيادتكم اللي قالتها ليا فاش كنا كنهضروا مع بعضياتنا قولي ليا سبب واحد كان كيخليك تلعبي معاه فهميييني باغي نعرف
نورسين قهقات على كلام جبل و قالت بعفوية....
نورسين: و غير حيت كان كاااااامبو واش كاتفهم كنت شاااابعة حلااااوي مع راسي وكنت عزيزة عليه يمكن كنت كنعجبوا
جبل : [باندفاع ] يااااكما كنتو مصااااحبين ؟؟؟
نورسين اتاسعو عينيها بصدمة من كلامو لانه وصل لقمة الجنون و الحماق منين ما جاوباتوش مرر يدو على شعرو و قال بعصبية ....
جبل:نوووورسين جاااااوبي ماتلعبييييش معايا ففحال هاد الامور
نورسين صاطت انفاس غاضبة و حاولت تهدن و قالت بعفوية ....
نورسين: واش هبيل كيفاش كنا مصاااحبين عاود وراه كنا غير صغاااار واش كتفهم راه عادي جدا اي بنت كانت كتلعب مع شي صديق فصغر ماشي حيت نتا ماكان كيلعب معاك حد عند بالك كلشي بحال بحال
كلام نورسين الأخير كان بمثابة طعنة فقلبو صرط ريقو بصعوبة و هو كايسمع كلامها اللي كيذكرو فالماضي الأسود الأليم اللي عاشو جرحاااتو بهدرتها بصح هو ماكان كيلعب معاه حتى واحد بصح كانو دراري كينفروا منو حيت كان فصغرو بشع والاطفال كايتنمرو عليه وديما كيقولو ليه بلي هو سبب فقتل ماماه من بين نقط ضعف اللي عندو هي الماضي جروحو مازال ما بغا يبرا منها و فاش كيقول بلي بدات تلتئم نورسين فكراتو فيها و سال دمها من جديد .....
أنت تقرأ
جبل نورسين 🇲🇦 (مكتملة )
Romanceيعقوب : حتى انا اخويا دزت من الحب من طرف واحد و لكن ماوصلتش ليك نتا المرحلة اللي وصلتي ليها ديال الحماق جبل: و راني حمق واش كانبان ليك بعقلي نورسين فين خلات ليا شي عقل بقا ساكت و سهى فالفراغ و قال بحرقة كأن قلبو اللي كيتكلم فهاد اللحظة ... جبل :...
